مجالس العجمان الرسمي - قصيده في سمو الامير تركي بن محمد بن فهد

أعتصمنـا بالولـي جـل جلالـه
رحمته تفرح بها النفـس الحزينـه
ثم صلى الله علـى راع الرسالـه
النبي المصطفـى نـور المدينـه
ويا سلام الله سلام(ن)فـي مجالـه
عند أمير(ن)حافظ(ن) سلمه ودينـه
الوفي راع الوفـاء راع الجمالـه
ثاقب النظره عسـى تسلـم يمينـه
من بداية شبتـه تمـدح خصالـه
أشهد أن أشبال أسدنا مـن عرينـه
يا طويـل العمـر مثلـك ينعنالـه
وساعة(ن)يوقف بها قدمـك ثمينـه
أسمح لشاعرك يحكي مـا طرالـه
عقـب علـم(ن) سامعـه ذائعينـه
شاعـرك مـن النعيريـة رحالـه
ساقها يطلـق مشاعـره الرهينـه
يشكـرك والشكـر لله والثنـالـه
ثم إلـك واللـي فعلـت مقدرينـه
جائزة سموكـم مـن حـر مالـه
للقنص واهل القنـص ومتابعينـه
موقف(ن) يأخذ به العاقـل دلالـه
أن حكـام الـوطـن لمواطنيـنـه
حبل خير ما احد قـص أتصالـه
الوفـاء مـن بينهـم متبادليـنـه
والدليل أن الهواء يطـرق زلالـه
المجـال لمـن يشـارك فاتحينـه
بارك الله في الامير وفي حلالـه
وبارك الله في مراجعنـا الرزينـه
شاعرك ياأمير عبـر مـا بدالـه
وحفلكم فـي محافظتنـا محترينـه
جعل عمرك في عماره وأحتفالـه
تحت نور الحق حفتـك السكينـه
أنت أبوك اللي ينومس من لجالـه
يستمع من شاكي الضيـم ويعينـه
حاذف(ن)ثوب التكبر مـا سعالـه
وراسم(ن) كأس التواضع في جبينه
من وفود المنطقه ما ضـاق بالـه
ومن ينابيـع الكـرم تنـدى يدينـه
ومن صلابة موقفه كل(ن) دعالـه
ومن سعة حلمـه يسـر مقابلينـه
جعل عود(ن)أسس أركان العدالـه
يرحمـه ربـي ويرحـم والدينـه
ويرحم الله من لحق به من عيالـه
ويحفـظ الباقيـن حفـاظ السفينـه
وجعل أبو متعب يمدي فـي ليالـه
الزعيم اللـي مواقيفـه حصينـه
شايل(ن) هم الوطن والعـز شالـه
محتميـه ومـن الأسـلام عينـه
وأبو خالد جعـل عدوانـه فدالـه
للمواقيـف الصعيبـه ذاخريـنـه
غيث وسم(ن)يرجي الظامي إخياله
وسيف حق(ن)يقطع الظلم ويهينـه
يا صناديـد الوطـن أنتـم جبالـه
يا رموز المجد واليمنـى الأمينـه
شعبكم واحد جنوبـه مـع شمالـه
شرق وألا غرب ما فيهم ضغينـه
وزمرة التخريب وأفكار الضلالـه
مفسديـن ومـا سعوبـه منكرينـه
ما علينـا مـن مزاميـر الحثالـه
عهدنا من العهـد الأول حافظينـه
الجبل لو يعصف الريـح أرتكالـه
وعاقبة من يدعون الشيـن شينـه
مـا توخرنـا كراميـع الجهالـه
التطـور والنـظـام مواكبيـنـه
قالها اللي يوم عبـر عـن مقالـه
ما تحفظ فـي مشاعـره الرهينـه
أطلق أفكار الوفاء وتركـي قبالـه
وأحتفل في شوفته طالـت سنينـه
والقنـص لا يهتويـه ولا شقالـه
ولا يحب الطير لكـن مـا يهينـه
والسلام ورحمة الله طـاب فالـه
الأمير اللي عسـى تسلـم يمينـه