أبطيت ما شفتك وأنا في حراويك = أكذب على نفسي وأقول بتجيني
لا أوحيت ذكرك يا حياتي وطاريك = من دون ما أشعر هلّت دموع عيني
والله ثم والله ماني بناسيك = أعدّد أيام الشّهر والسّنيني
وأفرح إذا شفتك بنومي وأناديك = وأصيح بأعلى الصوت وينك وويني؟
لا يا زمان الغدر وش فيك وش فيك؟ = أخذت مني كل شيٍّ ثميني
أخذت نور عيوني الله يجازيك = فرّقتنا وأنا أبيه ويبيني
لو طالت الأيام ماني بناسيك = بأقول بكرة يمكن إنّك تجيني