يا ناس راعـي المحبـة لا تعذلونـه=ما هو بعن صاحبه داله ولا سالي
لو يسهر الليـل كلّـه لا تلومونـه=الحب بلوى ماني بأول ولا تالـي
لي صاحب ما قطعت الياس من دونه=لو غاب عني خياله دوم يبرى لـي
الصاحب اللي سحر هاروت بعيونـه=ودي بشوفه ولكن ما تهيّا لـي
يا هايف الخصر عيني فيك مفتونـة=عزي لحالي عقب فرقا هوى بالي
يا كود وصلك على مثلـي ويا هونـه=إن كان حالك طواها اللي طوى حالي
ما يجرح القلب كود فراق مظنونـه=أبطيت ما أرسلت لي يا زين مرسالي
أجر صوتٍ جميع النـاس يوحونـه=غديت مثل المصيح بالخلا الخالي