الله يجازي مـن يسـوي سواتـك = وبذنوب من سوى سواتك يجازيـك
مشيت درب الثقـل وتحـب ذاتـك =ماتـدري انـه للمهالــك يـوديــك
غـرك جمالـك ياخسـارة حلاتك = ماتدري ان ماغير طبعـك يحليــك
بتقـول زينـك يشفـع لسيـآتـك =الحسن ماهو عن وفا الحب يعفيــك
لو التواضع والوفـا مـن سماتـك = بعت الحبايب كلهـم ديـن واشريــك
لكـن عجـزت اغيـرك ياجراتـك = على الغياب اللي بلا عــذر ينجيــك
خطاي في توضيح وشـي غلاتـك = وخطاك في توضيح وشــو تغليــك
وشلون توصيني وتنسـا وصاتـك = وتصد عن صوت (ن) تقطـع يناديــك
مافاتـك التجريـح والعـذر فاتـك = وتبغــي رضاي الحين ماعــاد يمديــك
صحيـــح "احبـــك" بـس هــاذي جزاتــك =بعلمــك درس يفيــدك ويحيـيــك
تدري وش ابيض من خفوقك؟ عباتك= وتدري وش اللي غرني؟ نظرتي فيك
ادري بتستغـرب تصبــر وجاتـك = قصيدة (ن) مـن واحـــد (ن) كـان يبغيـك
وتبغي تناظر وانت عايــش مماتـك = شف وحدتك والناس تجلـس حواليــك
وتبغي تشوف اشجع رجل في حياتك!!! = شفني وانا مقفي على كثر ماغليـك