الصدر يدفن ضيقته والليـل شيطـان رجيـم
يسريبها ويحوفها صفق الهـوا شـرقٍ وشـام
والدمع يفـرض هيبتـه لاذل رجـالٍ عظيـم
والعين لا من اشتكت يعني على الدنيا السـلام
مابين دمعات الفـراق وبيـن دمعـات اليتيـم
واحر منهـا لا انحنـى راسٍ تعـلا فالغمـام
ليه اشتكي دنيا جفت واصلا انا مانـي مقيـم
وليه الرجل لامن حزن يلقى مشاريه ومـلام
هذا انا قدلي ثـلاث ايـام وانـا فـي جحيـم
لاذوق زاد ولا هنا والجفـن مـاذاق المنـام
صابر وكاتم حزنها حتى تفجر فـي الصميـم
سوات شايب مارزقه الله فـي الدنيـا غـلام
علمي بها يوم ادبرت على السراط المستقيـم
يوم الثريا راوسـت والليـل جـلا بالظـلام
حيل الله اقوى يازمانٍ حدني والضيـم ضيـم
وعمر البنادم ساعهٍ يقضي بها صـوم وقيـام
النفس طابت ترتجي وتتوب عن ذنب الغشيـم
وانا اتمنى لحظـهٍ اعيشهـا شـوق وغـرام
حتى سمحت من الهوا ومعانق الليـل العتيـم
وهمسات عشقٍ نفحها متلبسٍ سنـدس وخـام
وعفت القصيد اللي اقوله كل ماهـب النسيـم
وعفت المشي في واديٍ يهيم فكـري بالهيـام
كبدي عيوفه طاهرة واطهر من الكف الكريـم
وراسي معا صلف الهبايب منثني وان قمت قام
والشاهد الله هامتي ماتنحنـي لاجـل الحريـم
والصبر مفتاح الفرج والطـق فكـاك اللحـام
لكنها فـي عيونـي الثنتيـن يالعقـل الحكيـم
بسمه شفـاةٍ مـن خجلهـا ماتغطيهـا اللثـام
وذكرىٍ تلاعب خاطري واتوة عن كف اللئيـم
وضيعت مزاجٍ غارقٍ ماعاد له شـف ومـرام
وقامت تمخطر كنها نفحات ليـلٍ فيـه غيـم
مستغربتنـي منهـا وعيونهـا فيهـا كــلام
اقبل وناظر صورتك في عين رجـالٍ حليـم
واجمع بقايا ما انتثر وارحل معا وجه الظـلام

المشاركة الأصلية كتبت بواسطة ليــه يازمـــن (المشاركة 984527) صح الله لسانك على القصيده الطيبه ياطيب:002:

المشاركة الأصلية كتبت بواسطة البندري القحطاني (المشاركة 984614) ((والدمع يفـرض هيبتـه لاذل رجـالٍ عظيـم)) صح السانكـ .. قصيدهـ جزلهـ ..

المشاركة الأصلية كتبت بواسطة وافي بن وافي (المشاركة 984676) منصور بن جعشه بيض الله وجهك وصح لسانك على هذه الرائعه تقبل تحياتي

المشاركة الأصلية كتبت بواسطة الحطيم (المشاركة 984986) بيض الله وجهك .. ولا هنت على الجزاااااله تقبل مروري

منصور بن جعشه
بيض الله وجهك وصح لسانك على هذه الرائعه
تقبل تحياتي