ألا يا قلب لا تحزن على أيام مضت وسنين=مضت لك مع رفيق ما يقدر رفقة اخوانه
وألا يا عين ما هو كفو دموعك لأجله تهلين=خسارة دمعتك تنهل من عيونك على شانه
ألا يا ليل أتعبني ظلامك ما غفت لي عين=أفكر في زمان عشت معه أكثر من اخوانه
وألا يا ويل حالي من زمان راح معهم زين=أبصبر وأصتبر وأقول ترى الأيام خوانة
تسمّع هرجة النمام وطاوع هرجة الواشين=تغيّر صاحبي وأشوف ما عاد النفس ولهانة
خلاص اليوم ما أريده ولا أبغى شوفته بالعين =إلى مني تذكرته تزود بقلبي أحزانه
تعذبنا وعانينا وقاسينا معه سنين=تناسى عشرتي وياه وجازاني بحرمانه
حسافة عشرتي وياه وندمانٍ عليه ألحين=يجي له يوم يذكرني إلى من ضاقت أزمانه