مجالس العجمان الرسمي - الأ يابحر جاوبني وش اخرهذي الاحزان؟

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - الأ يابحر جاوبني وش اخرهذي الاحزان؟ (http://www.alajman.ws/vb/showthread.php?t=43852)

الأ يابحر جاوبني وش اخرهذي الاحزان؟

علامك يابحر غاضب علامك تصرخ بكتمان ..
انا جيتـك ابشكيلـك وابـي منـك تواسينـي

أنا مثلك بحر لكن وسط نفسي انا غرقان ...
تعبت ابحـر مـع نفسـي واسالهـا انـا وينـي

انا محتار في وصفي ومع نفسي انا حيران ..
انا لاقـادر افهمهـا وهـي تجهـل مضامينـي

أنا مليت من حزني وتعبت ابحث عن السلوان ..
ولاضنيت به شـي عـن احزانـي يسلينـي

احس ان الحزن عالم بحورة وصحوة ووديان..
تخيل يابحر حجمه اذا حجمـه سكـن فينـي

تصور لو شقا الدنيا تجمع في كيان انسان ...
تصدق مابقى بالكون اسى مابـات فـي عينـي

ترى كل الحزن لو غاب وراح لاخر الاوطان ..
يغيب ويرتحل لحظات ويرجع يستقر فينـي

أنا اخر فصول الحزن وأنا لدروبه العنـوان ...
وانـا اخـر عزوفاتـه واصواتـه تغنينـي

انا والليـل والغربـه تعانقنـا مثـل الاخـوان ...
ليلـي كـل آهاتـي وللغربـه عناوينـي

تعبت اسقى ثرى احلامي وأزرع بالوهم بستان ...
تعبت ولانبت زرعي وتعبت وجفت بساتيني

جحدني حظي العاثر رماني بسكه الحرمان ...
جحدنـي ولامـرة علـى الفرحـه يرسينـي

ألايابحر جاوبني وش اخر هذي الاحزان ..
وش اخر رحله أوجاعي وعناي وغربـه سنينـي