.. شخّص الحالة ياخالد ..
:
: : السلام عليكم يشرفني إني أشارك في منتدى قبيلة العجمان .. تلك القبيلة التي تفرض احترامها وتقديرها على الجميع .. ويزيد شرفي شرفا ً توجيه هالقصيدة إلى المبدع (خالد وبس) .. وانا وجهتها من باب الاحتكاك بالشعراء الكبار .. والله يجملنا في عيونكم استلم ياخالد يقول وعمر القاري يطول /
الفاتن اللي سببت غربالي=يالعنبوها .. ياقشر دبرتها المترفة .. بنت الشرف والمالي=تفلس (ذوي الأموال) من بذختها ماحسّبت بالمنشغل والخالي=وماتلتفت في الناس من طنختها ومافكرت في اللي مقامه عالي=وكل ّ (البني) يمشن على موضتها ماهمّها الا (العقد والخلخالي=وفستانها .. والميك .. ومرايتها) ولو مرّها الاول يقود التالي=مافيهن اللي حرّكت غيرتها لو وقّفت بين الهوى (وهبالي)=ماكان هوجست بدفا ضمتها ولو حولها موالي .. وغير موالي=لا ماسهرت اشفق على طلتها في ذمتي لا من طرت في بالي=((ماتهتك عيوني ستر دمعتها ... لكن / اعاني من سبب اهمالي=وارحم عيوني من لظى جمرتها)) واقول : ياعيني تراه اشوالي=والظلم فيني من سبب صدّتها وش حيلتي في مهجتي واحوالي=لاصارت اوجاعي على حالتها مع ان مالي في العليا والي=بس اعسف اشغالي على جرتها من مكتبي (للمملكة) طوّالي=امضبّط اوقاتي على ساعتها واليا لمحت اسيابها تختالي=دريت بان الفاتنة مرّتها اجلس وادندن بالعنا موّالي=حتى (العمالة) تحتري حزّتها وليا اقبلت .. ياحيلة المحتالي=حتى الشوارع تحترم هيبتها وامشي وراها والسعد يبرالي=الين اوصّلها إلى فلتها واقول في نفسي : (اواعزالي=ياسعد منهو غرفته .. غرفتها) ولامن رجعت لشقتي بلحالي=مخنوق من وقتي .. ومن قسوتها اشره من الضيقة على جوالي=اللي ملفّاته بلا صورتها ياخالد .. افزع لي وشخّص حالي=هذا وانا ماذقت من لذّتها ياجعلني فدوة ثراها الغالي=وياجعلني مااعدم شفق شفّتها الشامخة بنت الشرف والمالي=ياشين مع (سواقها) (دبرتها) وسلامة قلوبكم .. |
رد: .. شخّص الحالة ياخالد ..
صح السانك يالراقي مبدع ..:a28::a28::a28:
في انتظار المبدع الآخر شاعرنا خالد وبس . .:a28: :a28: |
رد: .. شخّص الحالة ياخالد ..
الله الله
صح الله لسانك يالراقي ولاهنت على هذا النص نص جميل جدا ونحن فإنتظار خالد وبس ليكتمل الإبداع :) تقبلوا مروري |
رد: .. شخّص الحالة ياخالد ..
الله الله يالراقي
صح السانك على هالجزله ورائع يالغالي وبانتظار خالد لاهنت |
رد: .. شخّص الحالة ياخالد ..
الله الله عليـــــك يالــــراقي :002:
راقــــي ونصـــك راقـــــــــي صـــح لســــــانك ولاهنــــت على هالرائعـــــه للامــــانه ابدعـــت وامتعـــــــــــــــت يالامير تحفـــــــــــه وننتظـــر المبـــدع خــالد وبـــس أرق التحـــــــــــــــــايـــــــــــــا لك ولنبضك |
رد: .. شخّص الحالة ياخالد ..
راقي
نص جميل نرحب بك من خلاله وصح لسانك ... وننتظــــــــر رد الأخ / خالدوبس دمتم بخير . |
رد: .. شخّص الحالة ياخالد ..
ياسلام ياسلام يا راقي
انا قلت ابي جديدك .. ماهوب تورطني :) قصيده راقيه وانت ارقى يا راقي وصح السانك مليون والله يعيني عليك بس ..! :) |
رد: .. شخّص الحالة ياخالد ..
راقــي ) هاللـه هاللــه صح السانك وعتلـى شانك جزله من راس جـزل هالله هاللـه بالجديـد تقبـل مـروري |
رد: .. شخّص الحالة ياخالد ..
AlGheThani
ياهلا ومرحبا صح بدنك طال عمرك .. وتواجدك الأول كفل التميز لمتصفحي .. لاهنت .. |
رد: .. شخّص الحالة ياخالد ..
العسر
مرحبا ومسهلا صح بدنك طال عمرك ومرورك شرف للقصيدة وراعيها .. لاهنت .. |
الوقت في المنتدى حسب توقيت جرينتش +3 الساعة الآن 12:10 AM . |
مجالس العجمان الرسمي