بسم الله الرحمن الرحيم

أخواني الكرام في مجالس العجمان الكرام أضع بين ايديكم هذه الأبيات كمصافحة اولى اتمنى ان تنال إستحسانكم

قلت آه يانفس العنى ويش عنّـاش=لايبعدش صوتي ولا هوب يدنيـش
ياونتي يا ثقلش اليوم مـا أقسـاش=اسبابها راحت ضلوعي هشاهيـش
لش لاهدٍ أشر مكانه على الجـاش=وجو الصفى نكدٍ غدى فيه تشويش
بدعيش في قافٍ بدعته علـى آش=قافٍ يدنّي اللي أبعدته المطاريـش
في ليلة تحرم على ترثـة الـلاش=حرّم عليه يسوق في الخط تفتيـش
يافاطري خبي المشي زان مسراش=ثم أنحري دار القـروم المداغيـش
من اسفل الوادي جنوبٍ من خباش=يطوي المدى تحته ولاهوب بشويش
قلت الوعد قالت قبل وقت الأغباش=لا سال وادي العرض وبلٍ مشاويش

المشاركة الأصلية كتبت بواسطة العـــسر (المشاركة 860347) حجز 1 صح الله لسان يا صالح ولاهنت على ذا النص الجميل فإنتظار جديدك تقبل مروري

المشاركة الأصلية كتبت بواسطة بنت المشاعر كلن لها شاعر (المشاركة 868969) صالح الغباري صح السانك ولاهنت كلمات غايه الروعه تحياتي

المشاركة الأصلية كتبت بواسطة الغروب (المشاركة 868976) صالح الغباري اهلا بك في مجالس العجمان وصح لسانك على القصيدة الجزلة ونتطلع الى ابداعك دوما .