ياحسين الطرف ياللي وصلكم غايه مرادي=والله اني ماعشقت الا انت من بين الخليقه
ياحبيب القلب قرب واسمع اللي لك ينادي=يوم جر الصوت ماتدري بوسط القلب ضيقه
عشت اكافح والقلوب الخضر كاسيها السوادي=بين هم سنين مرن والفرح مر بدقيقه
استميحك عذر ابنطق مايكنه لك فؤادي =ماعلي من العواذل لو يشبون الحريقه
من عرفتك منت عادي كيف احبك وانت عادي=انت كل الكون عندي والذي قلته حقيقه
لانظرتك صرت اشوف النور وسط الجو سادي=والدروب اليا مشاها صاحبك يمك طريقه
جيتلك بالحب يالمحبوب من كل اجتهادي=يوم اخصك بالهوا قلبي يقول انك عشيقه
من قبل حبك حبيبي كنت انا بالحب غادي =ومن عرفتك والفرح سجل مع قلبي وثيقه
خلني داخل عيونك واعتمادك بعتمادي =وانت داخل نفس هامت فيك ماهي مستفيقه
خلنا نصعد جبال الحب والعالم بوادي =دامني وياك زيد القلب من حبك بريقه
ياحسين الطرف حبك غير ياغايه مرادي=ماعشقت الا انت يامخلوق يسواله خليقه

المشاركة الأصلية كتبت بواسطة العليا (المشاركة 832265) محمد الشباك ... يسعدنا تواجدك معنا ... وصح السانك ولاهنت ... بأنتظار جديدك ... تقبل مروري ...

المشاركة الأصلية كتبت بواسطة " مــــابه جديــــد " (المشاركة 832319) صح لسانك ولااهنت في انتضار جديدك

المشاركة الأصلية كتبت بواسطة عبداللطيف أبوظهير العنزي (المشاركة 833574) محمد الشبـــــاك . . حيـــاك الله بيـــن اخوانـــــك . . صـــح لســـــــانك امتعتنـــــا برائعتـــك يالقــــرم . . لاهنـــت وبيّــــض الله وجهـــك . . ننتظر نزف إبداعك . . تقبل مـــروري وتحيـــاتي