عبدالله عبيان ( و ) نـجــران
السلام عليكم ورحمة الله وبركاته قصيده رائعه لـ الشاعر المبدع / عبدالله بن عبيان اليامي بـ عنوان ( نجـران ) :
على طاري الشهامة و البـدو و الخيـل و الخيـال = لفيتـك و القصيـده مهـرة ٍ تقـدح حوافـرهـا فهقت الغيم عن وجه الجنوب وجيت لك مختـال = معي عقـد ورسالـة عاشـقٍ بالحـب عطرهـا اغني للسحابة يا لـلا .. يـا لالـلا .. يـا لال = واناجيهـا بعـزة تربتـك وتـهـل ماطـرهـا إلا يا ديرتي يوم انحنى غصـن القصيـد ومـال = رفعته لجل عينك واسقتـه روحـي مشاعرهـا قصيد ٍ من شموخ ( العان ) اخذ مجده وقال وطال = رقى سلم ضلوعي لين نـادى بإسمـك آخرهـا سرى فوق الحنايا مثل برقٍ هـل مـاه واسـال = على بيض الـورق يـا ديرتـي كنـه يبشرهـا تذكرتك .. حشا .. لا والله انك دايمٍ فـي البـال = تهزين المشاعر لا .. غفت في عيـن شاعرهـا نبت في داخلي لك زهرتينٍ فـي طـرف شـلال = من أول ما حبيت وهـي تسامرنـي واسامرهـا اسافر وابتعد واشتاق شوق اللي عشـق بهبـال = واناظر داخل عيوني واشوفـك فـي محاجرهـا عروس من هوسها ما تغطـي راسهـا بالشـال = تناظر للسمـا والريـح تلعـب فـي ضفايرهـا ليا صاحت بأهلها وانثنوا عند ( ابرق الفنجـال ) = يبيعـون العمـار ويرخصـون الـدم لخاطرهـا رجال ٍ في ( الغريميل ) طعنت وجه الظـلام وزال = سلام الله على اللي في اللقـا تلمـع خناجرهـا صحيح ان المواقف ثابتـه يـا طيبيـن الفـال = يرددهـا البعيـد وصفحـة التاريـخ تذكـرهـا وانا ما جيت افاخر .. جيت لك شوق وغلا وآمال = الـوّح للنجـوم الـي تبسّـم لـك واسايـرهـا على وضح النقا ياديرة اهـل الخيـل والخيـال = لفيتـك والقصيـده مهـرة تقـدح حوافـرهـا |
رد: عبدالله عبيان ( و ) نـجــران
تسلـــــــــــــــم ياسعود على هالقصيده
الاكثر من رائعه وتستاهل نجران واهلها، المدح.... والفخر....... والطيب........ وتقبل مروري |
رد: عبدالله عبيان ( و ) نـجــران
رحم الله شهداء المعارك المذكورة ونجران وأهلها يستاهلون
: صح لسان ابن عبيان وصحت يمينك يا سعود على إيراد القصيدة : 1bh1 |
رد: عبدالله عبيان ( و ) نـجــران
صح لسان قايلها وكاتبها لاهنت اخوي سعود الخويطري على هالقصيده الراااائعه ويستاهلون اهل نجراان كل الطيب
تقبل مروري سارونه الـ ع ـجـ م ـي:a28: |
رد: عبدالله عبيان ( و ) نـجــران
صح لسان ابن عبيان وتستاهل نجران ومن سكنها المدح
ومشكور على هالطرح |
رد: عبدالله عبيان ( و ) نـجــران
لاهنت على النقل الله يعطيك العافيه لك مني أجمل تحيه |
رد: عبدالله عبيان ( و ) نـجــران
ليا صاحت بأهلها وانثنوا عند ( ابرق الفنجـال ) = يبيعـون العمـار ويرخصـون الـدم لخاطرهـا رجال ٍ في ( الغريميل ) طعنت وجه الظـلام وزال = سلام الله على اللي في اللقـا تلمـع خناجرهـا الله الله ,, تستاااااااااااااااااااااهل نجران ,, :) هي اللي كانت الملاذ و المنصا للعجمان في اكثر حروبهم ,, صح لسان الشاعر المبدع عبدالله عبيان اليامي ,, و صح لسانك يا ابو محمد ,, اينما تتواجد يتواجد الإبداع ,,;) تقبل مروري ,, أستودعك الله ,, |
رد: عبدالله عبيان ( و ) نـجــران
صح لسان بن عبيان على الابيات الجزله
|
رد: عبدالله عبيان ( و ) نـجــران
اقتباس:
مرحباا ومسهلا والله يحيك وشكرا لمرورك وحضورك الرائع وتقبلي سلامي |
رد: عبدالله عبيان ( و ) نـجــران
اقتباس:
ارررحب يـ عبدالله العامري والله يحيك وشكرا لمرورك الطيب وتواجدك الاطيب وتقبل سلامي واشواقي |
الوقت في المنتدى حسب توقيت جرينتش +3 الساعة الآن 04:41 PM . |
مجالس العجمان الرسمي