خطا قصيف الحجم , ,تصنيف الأحجام=ياليت عنقـه طـول عنـق النعامـه
هفوات الألسـن مثـل زلات الأقـدام=ونفـوس أهلهـا عرضـةٍ للندامـه
والفرق مابيـن الحقايـق والأوهـاام=يقفـل مجـال مدوُريـن الخصامـه
وإللي يقول انـه يمثـل ضنـا يـام=عسـا يـقـدم مايثـبـت كـلامـه
معـروف شاعـر يـام منهولياقـام=أبـن بـلال .. إللـي رفيـعٍ مقامـه
خذاه من نايف وهـو تـاج ووسـام=فـي موقـف الشاعركبيـر العمامـه
قدام اخو نورة طنـا كـل الأخصـاام=مافيه عرقٍ مـن عـروق الرخامـه
أقولهـا مانـي بجـاحـد وظــلاُم=مايجحـد الوافيـن غيـر الهـلامـه
انا من آل حبيـش وان قلـت قـدام=حطيت لـي فـوق المنابـر علامـه
صاحب قلم .. ومحاربٍ زيف الأقـلام=وأرهي علـى جمـة ثلاثيـن قامـه
وأستحقر أهل الكبر .. والكبر هـداام=واكرم شنب مـن يستحـق الكرامـه
وراع الشـداد ازوده قـدر وإكـرام=وأميزه عـن كـل راعـي مسامـه
ماقاضي القاضـي علشـان الأحكـام=لو أخلف الدستـور وأخلـف نظامـه
لكن بشرط !! آخذ مـن أيـام لأيـام=بعد الضمان وقايـة أمـن وسلامـه
والله يعز الحكم فـي ظـل الأسـلام=وألأنصـاف للمظلـوم يـوم القيامـه
هـذا مـرور كـرام وقفـة وسِـلآم=فية الـورود وكحـل زرقـا اليمامـه
وسهل القصيد الممتنع ..شعر وإلهام=هيـضٍ عـوا ذيبـه وغنـا حمامـه
وسلامة الوافين فـي بـدع وختـام=اهل الكـرم والعرف.وأهـل القرامـه