مجالس العجمان الرسمي - قصيدة مانع بن عبيد ال رزق ورد الوالد بندر بن علي بن مجحود

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

قصيدة مانع بن عبيد ال رزق ورد الوالد بندر بن علي بن مجحود

يالله يامطلوب يا خير معبود
يا غافر الزله يا خير امعبودي

انت الذي تعطي عطن غير محدود
وانت الذي تعلم خفي السدودي

طالبك ليلن فيه براق و رعود
يسقي الجبال وينحدر للنفودي

يحيي شجرها عقب ما دبه الدود
وعقب المطر ينبت بها كل عودي

عقب المحل تصبح محاييرها سود
ماهو على منشي السحايب أبكودي

هذا ولي في بدع الابيات مقصود
اقصد بها المنعور وافي العهودي

هديتن له مانبي منه مردود
ماقلتها منشآن يجعل ردودي

وافي الخصايل جعل ماهوب مفقود
ياجعل يفداه البخيل الحسودي

الله يقضي حاجتك يبن مجحود
والبيض تبنا لك بروس الرجودي

جيتك وانا من جور الايام مضهود
متعنين صوبك من اقصى الحدودي

رحبت بي ثم قلت مطلبك ماجود
طبع الرجال امعربين الجدودي

كسب الثنى لك ورث من اب وجدود
ماهي غريبه يا مخلف الاسودي

ربعن خبرهم لي بدا الشان ماكود
علمن صحيح ما يبي له شهودي

ليصار عج الخيل غاشيه بارود
يردون حوض الموت مثل الفهودي

واضيف لي جاهم من الجوع ملهود
يثناله الترحيب قبل القعودي

يبشر بخرفانن وبنن معا عود
كنبودين ريحه يداوي الكبودي

قلت الصحيح ولا علي فيه منقود
ماني بمن يبغى ورا الصدق زودي

والختم صلى الله على خير مالود
اعداد ما نسنس من الشرق نودي

على النبي المصطفى منبع الجود
اللي حما الكعبه وباد اليهودي

الشاعر : مانع بن عبيد ال رزق

وكانت هالابيات التاليه هي رد الوالد : بندر بن علي بن مجحود ال رزق

على ابيات الشاعر مانع :

جهم السحاب اللي تقاود مع النود
اخيل برقه دون حامر يزودي

جعله على الوادي يهل المطر زود
خمسة عشر ليل ٍ يهل بركودي

يروي هضاب ٍ زاميات ٍ بها ارجود
من بعد ري سهولها والعدودي

دار ٍ سقيناها بدم ٍ وبارود
يوم ٍ كلن عن حدوده يذودي

الارض عرض وكل يوم ٍ له اشهود
من دونها سيف ٍ صقيل ٍ جرودي

بالاحمرين اولاد مشني على الفود
ورادتن يوم ٍ لفح كل عودي

سلم على من يروي السيف والعود
اولاد مشني تاج راسي زنودي

رزقية ٍ لا طق عود ٍ على عود
تجعلك في راس السنام السنودي

يامانع ابن عبيد مشكور و ازود
ابياتكم صرف الذهب والنقودي

ترى الجمل ما شاف حق ٍ ومفرود
وان هاج يقضع معتلات الحيودي

وفيت يابن عبيد قاف ٍ على أود
واوفيت لك رد ٍ سريع الوقودي

وسلااامتكم