وش حيلة المحروم لاتضايق؟
بسم الله الرحمن الرحيم اصبّح وامسّي على الجميع بخير واعتذر على الانقطاع للانشغال والله يكفينا شر الدنيا وهذي القصيده موجهه للربع اللي قنصوا شمال صارلهم يومين ومعهم من الطيور 3 مسمار , ورّاد . بارود والقصيده موجه لكل واحد فيهم والله يرزقهم... اقول فيها وش حيلة المحروم لاتضايق؟ = محترقةٍ كبده على خلاّنه لا صار حظّه طايح ومتعومس = ماغير يشرب من قليب احزانه ودّه على المخراج غير مابه = كفوٍ يعدّه من مقام اخوانه كفوٍ يحس وضيقتي يدراها = سمٍ على الواشي على عدوانه ياليت عندي بالرصيد اجازه = ولاّ مدير مقدرٍ صدقانه المشكله بعض العرب بلاّسه = اعقولهم وقلوبهم تعبانه اهلا وسهلا يالله تحييهم = اهل السفينه نايب وربّانه اهل الدروب الكايده مناعير = الصدق ساسٍ والوفا بنيانه يستر عليكم ربي ويرعاكم = الواحد الليّ حطنا من شانه الخالق المعبود كامل وجهه = الرزق عنده لاعطا سبحانه أرسل على (مسمار) خير مرسول = بلّغ سلامي له واحب اعيانه النادر الوافي كريم سبلا = مشبعٍ راعيه مع ضيفانه ولاّ ترا (بارود) مانسيناه = ياقرب لون الليل من جنحانه بيض الدواغر لاغرف؟ تسوحل = عوق الحباري ثابتٍ نيشانه وميّل على (ورّاد) طير شلوا = يازين طبعه رزّته فنّانه واليا طلب له صيدةٍ علّقها = صفّا حسابه وانهزم ديّانه ياقاري المكتوب كيف جوّك؟ = ارسل لي التقرير مع بيانه ابغي اسلّي خاطري واغني = واجر طاروقٍ جديد الحانه العمر فايت والزمن ماقصّر = مثل الرحا بحبوبها طحّانه امانتي تحيّتي وصّلها = نفسي عليهم شفقةٍ ولهانه صبّح على الاجواد كلٍ باسمه = لحدٍ يسج ويخلف الامانه استودعك بالله في قصيده = قصيدةٍ بعلومكم طربانه واختامها عمبر ومسك وكادي = واختام عمري جعلها بجنانه صلاة ربي عد ماهل هلال = ولاّ عدد ديمومةٍ رويانه على النبي اشرف خلق ربّي = شفيعنا من غاوي وشيطانه وسامحونا على القصور فمان الله |
رد: وش حيلة المحروم لاتضايق؟
سرحان الفكر
قصيدة جزله وابيات معبرة تقبل الشكر والتقدير . |
رد: وش حيلة المحروم لاتضايق؟
اقتباس:
|
رد: وش حيلة المحروم لاتضايق؟
صح لسانك
|
رد: وش حيلة المحروم لاتضايق؟
صح الله لسانك يا لقرم
ولاهنت بيض الله وجهك |
رد: وش حيلة المحروم لاتضايق؟
{{ سرحان الفكر }}
/ \ / مشكور على هالقصيده الرائـ ع ـه الله يـ ع ـطيك الـ ع ـافيه وعساك على القوه ننتظر جديدك المميز / \ / كل التحـــيهـ |
رد: وش حيلة المحروم لاتضايق؟
سلطان القرنا
عزوتي دوسرية ناثرة الور صحت ابدانكم ولاهنتوا على المرور المشرّف والله يعطيكم العافية فمان الله |
رد: وش حيلة المحروم لاتضايق؟
سرحان الفكر صح لسانك عزالله انها جزله وبيض الله وجهك
|
رد: وش حيلة المحروم لاتضايق؟
راكان بن فيصل
صح بدنك مرحبا بك ولاهنت على المرور واعتذر عن الرد المتاخر |
الوقت في المنتدى حسب توقيت جرينتش +3 الساعة الآن 02:28 AM . |
مجالس العجمان الرسمي