البرق
بسم الله الرحمن الرحيم
برقٍ لمع في سحابه نوضه اشعــــــاني ثم ذكر القلب بسمة واحد غــــــــــــالي ياعز واليك نوضك حرك اشجــــــــاني واشعل خفوقٍ تحرك عقب مقيــــــالي كني قتيلٍ ونوضك بالله احيـــــــــــاني واحيا الهجوس وتجدد جرح متشالي ذكرتني اللي جعوده فوق الامتـــــاني يوم يتناثر جديله كنه شــــــــــــــلالي ذكرتني اللي عيونه سحرها اغواني حور العيون وحواجبها كما هـــلالي ذكرتني اللي ظريف الطول رويـاني يمشي بكبر ويرز النحر متعـــــــالي والله ما ظن بين البيض له ثــــــاني هذا فريدٍ بوصفه ماله امثــــــــــالي قلبي سناوي وانا يابرق عطشـاني وزاد العطش من رفيفك واشغل البالي يوم ان رفيفك بكت من عقبه امزاني غنــــــا خفوقي لحون الحزن موالـــي ذكرتني بسمته يوم انه يلقـــــــاني ودموع عيـــنه تهل بيوم ترحـــــالي واحن له والمسافه دوم تنهـــــاني ومن وينما الد عيني كنه قبـــــالي وجنيت له داخلي بالحب بستـــاني واقطف ثمرها..لعينه يرخص الغالي ليته درا عن عذاب بسبته جــــاني كان اتضح له وفا حبي لقتـــــــالي وفيت له قدر حب بعينه اعطـــاني وانا من اللي ترد الطيب بجزالــي ( كريم يا برق نوضك وين وداني 00000 ذكرتني ما مضى واتعبت لي حالي ) |
صح اللسانك طال عمرك....
|
الفهادي صح السااانك مليووووووووون
ولا يكفوووووووووووون لاهنت على القصيدها الجزله تحيااااتي |
صح الله لسانك يابن فهاد وتسلم على القصيده الجزله يالقرم
|
صح اللسانك ولاهنت
تقبل ارق التحياااات |
الفهادي صح السااانك مليووووووووون
ولا يكفوووووووووووون لاهنت على القصيدها الجزله |
صح السانك يا الفهــــــــادي
والله يعطيك العافيــــــــه |
الوقت في المنتدى حسب توقيت جرينتش +3 الساعة الآن 11:00 PM . |
مجالس العجمان الرسمي