مجالس العجمان الرسمي - ألتقنا عند أحبــــــــك وافترقنا عند

**قصـة غـرام**
كـل ابوهـا كلمتيـن
التقينا عنـد احبـك وافترقنا عنـد بـاي

تونـا مامشيـنـا فالـهـوى لوخطوتـيـن
وانتها الموضوع كله حتى ماعرفت وش خطاي

وانتهت قصّة حياتي بكـل سهولـه تحكميـن
وين احبك؟وين اريدك؟وين ساكن في حشـاي

يمكن انـك ماوفيتـي يـوم جيتـي تعشقيـن
ويمكن انك تحسبينـي بتبعـك مـن دون راي

ويمكن أصلا ماعشقتي بـس كنتـي تلعبيـن
ويمكن انك ماوصلتي فـي هـواك لمستـواي

ويمكن انـي ماعرفتـك فالحقيقـه وش تبيـن
ويمكن اني خنت نفسي..يوم اعطيتـك وفـاي

علمينـي فالهـوى ياجاهلـه وش تعرفـيـن
تعرفين انك غديتي (شي)يجـري فـي دمـاي

علمينـي فالعطـاء والتضحيـه وش تفهميـن
لعنبو حيك عشانـك بعـت اقـرب اقربـاي

كنت احطك في عيوني تسرحيـن وتمرحيـن
كنت اشيل هموم قلبك وارمي همومـي وراي

كنت اطير من السعاده يوم اشوفك تضحكيـن
كنت ذايب في هواااك مثل سكر وسـط مـااي

كنت نايم فالعسل وارسم مـن الفرحـه سنيـن
كنت اظنك قلب عاشق ماسكن وسطه سـواي

ماوعيت الاوانتـي في خفوقـي تطعنيـن
ماوعيت الاوسيفـك بالحشا..رايـح وجـااي

وردة ايه والله ورده بـس عرفتـي تجرحيـن
كل شي فينـي جريـح الا فخامـة كبريـاي

ما تأثـرت بغيابـك ويـش يعنـي دمعتيـن
بكره انسى صدقيني وارجـع بكامـل قـواي

ادري ان حنا افترقنـا بـس ابفهـم حاجتيـن
علميني وش كسبتي؟علمينـي وش خطـاي؟

اصلا الموضـوع كلـه مـا تعـدى كلمتيـن
التقينا عند ( احبك ) وافترقنـا عنـد ( بـاي)

منقووووووووووووووووووووووووووول