|
اليـتــيمـة
السلام عليكم ورحمة الله وبركاته.. القصيده هذي كتبتها من اجل بنت توفى ابوها وتزوجت امها .. وبعد ماكبرت ارغمها زوج امها على الدراسه بالخارج .. وباول شهور من سفرها تعرضت لحادث صارت بسببه مقعده .. وتفاجئت برجعتها ان بعض املاكها كتب باسم اخوانها من امها بدون علمها . وهذي ابيات جات بالخاطر يوم عرفت بالسالفه واتمنى تعجبكم نامت انوار الاضاءه وارخت جفون الستاير والقمر ماسك خفارة ليل منهم ساهرينه ماترفّق بي ظلامي ثم غزا باقصى الضماير لاهلا بك لا وسهلا كل علم ٍ خابرينه ياظلام الليل قلّي ليه تقطعنا البشاير لا جريمه لك فعلنا وكل حق ٍ حافظينه جيت ترحل بالسعاده رحت ترجع بالخساير والضريبه من عمرنا كل ليل ٍ دافعينه ليه في دمع اليتيمه مستبق حظك وطاير من بعد ما مات ابوها ليه زدت الطين طينه لا سلمت من ظلم اهلهاوالمصايب كالدواير لا بدايه نبتديها ولا مطاف ٍ واصلينه ريشتك ترسم حزنها .. دمعها بالجفن حاير قلبها مسكن لظلمك لين ما صار المدينه من حضن امها تغير إبها لقاصي الغرب غاير ثم ترجّعها بإعاقة عمر يا كبر الغبينه ماتهنت في شباب ٍ من عنا هالوقت صاير شبه ورد ٍ في رمال ٍ ما دروا به زارعينه يالله انك تكتسيها رحمة ٍ منك وغفاير ثم تجازيها السعاده من عقب ماهي حزينه يالله تسوق البشاير من اجل خاطر ( بشاير ) واجز ِ الظالم بظلمه من يسار ومن يمينه سلهمي يا رمش شمسي صحّي جفون الستاير من عقب رحلة ظلامي حن صباحك مصبحينه عجلي بنور المحبه هاتي افراح وبشاير خلصينا من ظلام ٍ مايسامر ساهرينه |
رد: اليـتــيمـة
صح لسااااااااااااااااااااانك
كفو و القصيده كفو تقبل تحيااااااااااااااااااتي |
رد: اليـتــيمـة
الله الله يـــــــــاسلااام عليـــك يابن مجحــــــــــــود :002:
صـــح لســـانك الين تـــرضى يالقـــــرم .. مشـــاعر صــــادقــه وطـــرح عـــــــذب يـــــلامس الاحســـاس ...1bh1 لاهنـــت وبيّــــض الله وجهـــك يالذيب .. سجـــل إعجابي بنصـك الراقـــي ... تحيتي |
رد: اليـتــيمـة
الشاعر
عبدالله ال مجحود شئ مؤلم في حق هذه الانسانه بل وظلم ينهى عنه ديننا الحنيف وهناجاء دور الشعر في معايشة وتعرية هذه المواقف المنبذوه كان الله بعونها وسوف ينصرها فهو العادل سبحانه وصح لسانك على هذه الابيات الجزله . |
رد: اليـتــيمـة
اقتباس:
صح بدنك يا مطلق .. هذا من ذوقك يا حبيبي |
رد: اليـتــيمـة
اقتباس:
صح بدنك .. ويشرفني اعجابك بالابيات رغم انها متواضعه يعطيك العافيه .. |
رد: اليـتــيمـة
اقتباس:
صح بدنك .. ولاهنتي على الرد الجميل والمتواضع .. لك جزيل الشكر والتحية .. لا عدمناك |
رد: اليـتــيمـة
صح الله السانك يابوبندر
كما تعودنا بالابداع والقصائد الطيبه بارك الله فيك يالمبدع تقديري+ اعجابي أم الهيمان |
رد: اليـتــيمـة
صح لسانك على هاذا الطرح
الجميل والمالم في نفس الوقت ولله يعطيك العافيه ولا تحرمنا من جديدك |
رد: اليـتــيمـة
اقتباس:
التواصل الطيب .. لاهنت يا ذيب |
| الوقت في المنتدى حسب توقيت جرينتش +3 الساعة الآن 07:01 AM . |
مجالس العجمان الرسمي