بسم الولي ابدابه في كل الاحوال=ربن كريمن بالعطا والفضيله
يالله ياللي غير الحال من حال=ترحم عودن لاجانهار الوهيله
مرحوم ياعودن عليه الدمع سال=والحال من عقبه تزايد عليله
انشهد انه يارجاجيل رجال=قرمن على الحمول يشيل الثقيله
يفزع لمنهو حده الضيم والجال=ويرسي كما ترسي الجبال الطويله
شجاعن لاسرجت عجلات الازوال=لاجا نهارن فيه قدح الفتيله
حمى تاليها والردي صابه جفال=ذل على نفسه وكتست بالفشيله
حلحيل حلال المشاكل والاشكال=كريم سبلا مانوى بالبخيله
انشهد انه يالربع ذرب الافعال=مضرين يمناه بمدالجزيله
كم قلط من سفرتن وحيلن جزال=ويكرم اللي يكسبون النفيله
مجلسه مابين نجرن وصفت دلال=وكلمت نعم عند النشاما حصيله
والدنيا علمتني الوان وشكال=واختار انا فيها الوجيه النبيله
وكب انا الردي لونه ولد خال=ولاولد عمن رضى بالفشيله
ماني من اللي يستشيرون الانذال=ولاني من اللي يستشير الحليله
(ياليت رجالن يبدل برجال)=على قولت راكان شيخ القبيله
وانا بقول الموت ليته بالاموال=لاسوق راس المال بيت وسيله
لاكن على الله عالمن كل الاحوال=بيده حيات العبد وبيده يزيله