مجالس العجمان الرسمي - ( من ظـن فينـا الطيب شافـة ثباتي // ومن هقى فينـا الردى ضاع ظنـه

بسم الله الرحمن الرحيم

السلام عليكم ورحمـة الله وبركاتة

هذي طول الله اعماركم قصـة وديد مع ذلوله ومرتـة :)

وهي أن الشيخ وديد بن عروج قد أشتهر بالمغازي الكثيرة وكان لديه ذلولا أصيلة ولكنها دائما ضعيفة وهزيلة الحال لكثرة غزواته عليها
وبعد موته تقدم أخوه لزّام للزواج من أرملة أخوه لحفظ الأبناء وتربيتهم
وتم الأمر إلا أن الفرق بين الالاثنين كان كبيرا في نظر الزوجة ، فـ لزّام لم يظهر له فعل كأخيه وديد
وقد زاد حزن الزوجة عندما رأت الذلول الهزيل وقد تغيرت أوصافها وتبدل حالها فمن بعد الهزال بان الشحم عليها
وفي احدى المرات عاد الراعي بالإبل فإذا بالذلول (تهدر) وكأنها جمل
فتذكرت زوجها السابق الشيخ وديد وغزواته وقارنت بين حياتها تلك وبين حياتها الحالية
مع أخيه لزّام فقالت :

يالله يا عايد علـى كـل مضمـاه=يا مخضر الأرض الهشيم المحايـل
أنت الكريم ورحمتك مـا نسينـاه=تروف باللـي دوم عينـه تخايـل
تلطف بمـن كـن عينـه مـداواه=اللـي بقلبـه حاميـات الملايـل
ألوج مثل أيوب من عظـم بلـواه=واسهر إلى ما يصبح النجم زايـل
على حبيبٍ كـل ماقلـت أبنسـاه=لذكره تفطني مـن الهجـن حايـل
ليـا نسيتـه ذكرتنـي بطـريـاه=شيبا ظهر من عاصيـات الجلايـل
يلتاع قلبي كل ما أذكـر سوايـاه=كما يلوع الطيـر شبـك الحبايـل
لا واحبيبي سبـع سنيـن فرقـاه=عليه أنـا قضيّـت كـل الجدايـل
لا واحبيبي يتلف الهجـن ممشـاه=ليا بغـى لـه نيـةٍ مـا يسايـل
لا واحبيبي يسقي الربع مـن مـاه=دليلهـن لا ضيّـعـوه الـدلايـل
لا واحبيبي يرعب الهجـن بغنـاه=من كثر ما يوحيـه ليـل وقوايـل
لا واحبيبـي كـل قـومٍ تنـصـاه=تلقـى ربوعـه طيبيـن القبايـل
لا واحبيبي تدفـق السمـن يمنـاه=ياما ذبح من بين كبـشٍ وحايـل
لا واحبيبـي وافيـاتٍ سجـايـاه=عليـه غضـات الصبايـا غلايـل
لا واحبيبـي دوم للعفـن متـقـاه=يامـا كلنـه مدمجـات الفتـايـل
لا واحبيـبـي بـيـن ذولا وذولاه=خلـي بوجـه معدليـن الدبـايـل
لا واحبيبي طـاح يـوم الملاقـاه=بنحور غلبا فوق غـب السلايـل
لا واحبيبي طيـر شلـوى تعشـاه=قطاعة المهجة سناعيـس حايـل
يا عارفين وديد يا طـول هجـراه=يا ليتني بوديد مـا أبغـى بدايـل
أخذت أخوه أبي العوض ذاك من ذاه=والبيت واحد من كبـار الحمايـل
عندي مثيلـه واحـدٍ كنـه إيـاه=عليه من توصيـف خلـي مثايـل
الـزول زولـه والحلايـا حلايـاه=والفعل ماهو فعل وافي الخصايـل

ولسوء حظ الزوجة فقد سمعها زوجها لزّام ولم يشأ أن يعاقبها
إلا بعد أن يجعلها ترى فعله وشجاعته وبالفعل قام باعلان المغزى
وطالت غزواته وكان كلما كسب شيئا أرسله إلى قومه وهو ماضٍ في غزواته
وقد أنشد هذه القصيدة :

أنا ابن عروج وهـاذي سواتـي=موصل سمان الهجن شنٍ ما يجنه
خمسين يـومٍ والنضـا مقفياتـي=مع مثلهن وهن علـى وجههنـه
نمشي النهار وليلنـا مـا نباتـي=كم ذود مصـلاحٍ امنيـسٍ خذنـه
من ظن فينا الطيب شافه ثباتـي=واللي هقى فينا الردى ضاع ظنه
كم من صبـيٍ عشقـةٍ للبناتـي=عقب التعجرف بدّل الضحك ونـه
استاخذ المذهول عـاف الحياتـي=هو ما درى إن الهجن بيوصلنـه
من فوق هجنٍ من فحلهن خواتي=غيب الصبايا الخافيـة يظهرنـه

ولما رجع من غزواته كانت ذلوله في حالة يرثى لها من شدة الاعياءوالهزال
ويقال أنها بركت قبل أن تصل إلى البيت ، فأمر زوجته أن تذهب لإحضارها وكان يمشي خلفها
يريد ان يعاقبها على ماقالت وهي لم تكن تعلم بأنه يمشي خلفها فلما رأت الذلول
على تلك الحال قالت هذه القصيدة التي كانت سبباً بعد الله في نجاتها من خطر لم تكن تعلم عنه :

يا بكرتي وش علـم حالـك ضعيفـي=أشوف حيلـك وانـيٍ عقـب الأردام
عقب الفسق ومهـادرك بالمصيفـي=ومصاول القعـدان مرباعـك العـام
عقـب الاباهـر والسنـام المنيفـي=صرتي كما المفرود من فعـل لـزّام
قطـع عليـك ديـار قـومٍ تخيفـي=تسعين ليله راكب الهجـن مـا نـام
أقفى عليك مـن الحسـاء للقطيفـي=لحوران والحرة إلـى نقـرة الشـام
وتدمر وصلهـا وخمّهـا مستخيفـي=واشبيح والضاحـك وقديـم الأقـدام
وأخـذ عليـك اذواد جـوٍ مريـفـي=وضحك كما برق الحبـاري بالأكـوام
يزفهـا يقـداه مشـيـه هريـفـي=واقفى عليهن متلف الهجـن لا قـام
وعادوا على العارض ركيـبٍ يهيفـي=يتلون ابن عـروج مقـدم بنـي لام
زهابهـم حـب القرايـا النظيـفـي=وسلاحهم صنـع الفرنجـي والأروام
ياما انقطع مع ساقته مـن عسيفـي=ومن فاطرٍ مشيه عن الجيـش قـدام
عقـب الشحـم وملافخـه للرديفـي=قامت تسندر مثل مبخـوص الأقـدام
توي هنيـت وطـاب بالـي وكيفـي=من عقب ضيمي صرت في خير وأنعام

منقـول