قصه وقصيد الشايب وولده الذيابي العتيبي
 

--------------------------------------------------------------------------------

بسم الله الرحمن الرحيم
الشايب هو مثيب بن عواد الذيابي العتيبي وكان فيه أمراه من القبيلتة أسمها فيحا ذات نسب وجمال وقد كثر الخاطبون لها فتقدم الولد وهو الحميدي بن مثيب لوالده بأن يخطب له تلك المرأة ولكن الشايب أخذ يخطب لنفسه ويرد معارضٍ للشباب بهذه القصيدة :



يابني جابـان برقيـن العمايـم
لو غسلتوا ثوبكم وتصوبنونـه
صفة راحت على (فيحا) هدايم
يركضون وعلمهم ما يقطعونـه
شفها الشيّاب وافين الخصايـم
علقوكم ماقفـاً مـا تحرزونـه
فل يا جابان وكل مـن النعايـم
وأشكر اللي كل الأمه يشكرونه
غيطل الغيطول مكفي الهمايـم
أسترح يابكري اللي يذكرونـه
كلما شاف السماره جاك عايـم
ما يجنب لو تغزه في عيونـه
ساعته تعلج كما العاج النعايـم
ويتعطر والتعطـر فيـه بونـه
سنحته رجال مذهوب الرسايم
مار فيه من النساء عرق يخونه
حالقٍ دقنه يبيـه أبزيـر دايـم
ول ياجابان يا حالـق دقونـه
أشتكنـه يـا عساكـن للثلايـم
ليش مذهبكن عنكن يا خذونـه





وهذا جواب الأبن الحميدي على والده : !!




أتركن العـود يـا سـود اللثايـم
ما وراه من الطمع غير المهونـه
لو أحطه فالحجير عـن السمايـم
واعذاب من أشتقى يبـا يصونـه
لو أبيع العود مال العـود سايـم
والحكومه للسفـر مـا ينقلونـه
عشقت المجمول منهـم فالقدايـم
مرتخي قعوه مغيـر يوضبونـه
تسمعين بحركته وان جـاك قايـم
تسمعين حـذاه ولاطـق شونـه
العذارى مـا يـردن لـه ملايـم
أرتخى المشقاص مع مالت جفونه
فاتحن عينه ومنـه العـرق نايـم
لو رفع راسه ترى زنده يخونه !!




المصدر : ديوان الذيابي ومنوعات من نوادر شعراء الجزيرة العربية الجزء الأول الطبعة الأولى 1419هـ المؤلف سعيد بن عواد الذيابي

لاهنت يا سعد على النقل ماقصرت

لاهنت على مانقلته

تحياااااااااااتي

لا هنت يا سعد وصح لسانك على السالفة الجزلة

تسلم يا سعد على القصة الطريفة والقصيدة والله ذا الشايب على كبره طامع بالزين الله يصلحه لا هنت يا سعد وبيض الله وجهك على كل ما تقدم.

مشكورين جميعا

خطير شايب عتيبه

مشكور على النقل الطيب