اول مصافحه من مطلق بن شلاح
كل شيء ينكتب لك لازم (ن) توصلّه= يوم اشوف الناس محدٍ في حياته راضي ابذل المجهود ياخي واتكالك بـالله=والمشي ماينفعك في حزة المركاضي ومامضى لاترتجيه ولاتعيد الزله=كان يامـاكان خـله ذاك فعلٍ ماضي الحظيظ الي عرف درب السنع ويدله=ومن جهل يسأل حكيم(ن) للتجارب خاضي ولوتشوف أوضاع صارت هالزمن مختله= لويقولون الحمامه ذا ذكرها باضي ومن تخلا عنك مره فالشدايد خله= كم وكم تلقى بداله بالرخا تعتاضي منزلٍ ماجيت وسطه لاتجي في ظله= ابتعد عما يهنيك والدروب عراضي ومن جهل مقدار نفسه بشره بالذله=عزتك هي راس مالك ماتجي بالفاضي ومن زعل خله يموت من الزعل في غله= واسفه اللي فالخطا لاطاح مايغتاضي والحقايق واضحه لواصبحت منشله= فالضمير الحي قبل المحكمه والقاضي الشاعر/ مطلق بن شلاح |
صــــــــــــــــــــح السانك يا مطلــــــــــــق بن شلاح
لا هنت وننتظر جديدك |
ارحب يامطلق حياك الله .. ولاهنت يالغالي على القصيدة الجزلة ..... صح لسانك وسلمت يمينك تحياتي لك يالسنافي ولا تحرمنا من ابداعك اخوك \ فهد |
لا هنت يا ابن شلاح مصافحة اولى رائعة صح لسانك يا السنافي ننتظر ابداعك القادم.
|
صح لسانك يا ابن شلاح ولاهنت على ذالقصيده الجزله
|
صح لسانك يامطلق لاهنت يالغالي على القصيدة الرائعه |
الوقت في المنتدى حسب توقيت جرينتش +3 الساعة الآن 09:36 PM . |
مجالس العجمان الرسمي