مجالس العجمان الرسمي - " خيـــــــــــــــــانـــه " ........!!!!!

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - " خيـــــــــــــــــانـــه " ........!!!!! (http://www.alajman.ws/vb/showthread.php?t=33031)

" خيـــــــــــــــــانـــه " ........!!!!!

قلبك يغرّك وانت فالحب تــحتــــال
وشلون شايل بيــن الاضلاع قلبـــك

مدام مالك بـالهوى ( فــيّ ) وظــلال
ما يختــلف لو شفت سلمك وحربـــك

كنت احسبك تــعطي على كل الاحوال
واثــر العطا ما وافق بــيـــوم دربك

عشتــك ( ألم ) كلك متــاهات وهبال
معنى العذاب وجايــر الهم .. قربــك

طبعك تجاوز للاسف طبع ( الانــذال )
ليتك تحس بــحرّ ( نــارك ) وكربــك

في داخلي يبني لك ( الكره ) تمثـال
بين ( الحنايا ) لو تصورت .. يربــك

خنت العهود وجيتني ( حيل ) تختال!!
الوجه شــرق و ( نيتــك ) يــم غربك

غدرك معك في داخلك ( حي ) ما زال
ماهو غريب ان صار ( زادك ) وشربــك

لا تحسبن جروح .. مثلك على البــال
من صد ( جيشك ) قادر إيبيد ( سربك )

مات الشعور ولا بقى فيــه ( مثقال )
تعبت اجامل .. وادفع ( اتعاب ) كذبك

خذها صريحة واصدق القول .. يــنقال
هجرك دواك وزايــد ( البُعد ) طبـــك

وش تنتـــظر بالله .. يا متــعب الحال
إرحل ولملم .. مع بقاياك .. ذنــبــك

ماعاد قلبي ينــظرك ( عزّ ) واجــلال
لو ( مت ّ ) عنده ترتجي .. ما شعربك

فرصه عطيتك وانتهى وقت ( الامهال )
اعلنــــت فيها ( للملأ ) موت .. حبك

الشاعر .. محمد العسكر