لاهنت يابن وعيل واذكر ان البدايه كانت من ابو سلطان (ابن بلال) عند ال مره في قطر

حيث دخل ورحب قائلا :

مرحبا في حفل شيخ يجود من الوجود=حفلته يوضي سناها على جال البحر
جيت ياصياف والحوض قدام الورود=و ان وردنا الحوض قلنا على الله الصدر

قال صياف

البقا والراس مرفوع والسيف محدود=وانت سافر بالسلامه وعجل بالسفر
اخر الدنيا يطير الشرار من الزنود= افتح الرادو دقيقه ويعطيك الخبر

قال علي

الاوادم يصنعون الحديد من الحيود= خلها بيني وبينك على طول النظر
انت قود لنا السفينه وخلقه الله شهود= وانت عارف خل منا كبيرات العبر

قال صياف

مالك الاّ رجل صاحي يقود العلم قود=جعل مانت اللقمه اللي توقف ف النحر
سافر المسلم ولا ادري متى المسلم يعود=مدري المشوار ياخذ سنه ولاّ شهر

........... وستمرت هكذا الى ان قال صياف .................

كل ماغيم سماكم سمعنا له رعود=مير الى ذا الحين مابه رباب ولا مطر

لا اذكر البيت الاخر... لكن رد علي.........

المطر يمطر على الارض وطوال الرجود=غير بعض الناس ماكن معه سمع بصر
والله اني ماخبرتك كذوب ولا جحود= واخر المشوار بيصير لي وجهه نظر


قال صياف

حرمت الجنه على ابنا النصارى واليهود=ونت خلك مسلم تذكر الله في قطر
كيف ترقد تالي الليل يالذيب الرقود= في ديار.ن خاليه لا ربيع ولا دهر

قال علي

عابد مولاي ماغير مولاي معبود=والخطأ من جنب بعض العرب يطلع نبر
غيرت فيك الطبايع دراويش الهنود=قمت تزرع شجرة.ن لاعروق ولاثمر

قال صياف
كل ربعك يام زادو وعمرك ماتزود= يمكن انك تنحني كان ما ربك ستر
كان عينك صاحيه حط لك عشره بنود=كل بند لا اصبح الصبح يبني لك قصر

قال علي

والله ما انحني لك وانا عوص وهبود=سالفه ماهيب لي خلها لك يابشر
مانبى نحفر على مقبره عاد وثمود=ثم اطلع سلم جدك وشيبه والكبر



الى اخر المحاوره حفظ الله شاعرنا ابو سلطان ورحم الله صياف الحربي
مع الاعتذار لأ ابن وعيل على الاضافات...تحياتي