مجالس العجمان الرسمي - أحمد الناصر الشايع

(( منـوة العــاشق ومشهــاته ))

الا يالله بنـو الخيـر لا تجـزا حمـام(ن) نـاح=يزيد الهم بـ.. (أصواته) و (روحاته) و (جياته)
يذكرني زمان(ن) قد مضى كله طرب وأفـراح=(زمان العـام) و الا (اليـوم) لا وده و لا هاتـه
والا واعزتي للـي جـزت عينـه وسـده بـاح=ولا يبغى (العرب) يدرون باسـراره وغاياتـه
ولا تقضي هواجيسه و لا (يقعد) و لا (يرتـاح)=تغير و اشتغل فكره و هـي مـا هـي بعاداتـه
على اللي تل قلبي من عروقه فـي يديـه وراح=طلع درب(ن) مثل طلعة كـرى صعبـه ملفاتـه
توافقنا على بير(ن) طويل مثـل (بيـر رمـاح)=وانا فيـه اتفـرج ليـن غلـق كـل حاجاتـه
و انا عودت يم البير مثل اللـي يويـق و طـاح=تكسر به (ثمان ضلوع) و (ذراعه) و (ترقاتـه)
و ربعه ما لقوا حبل(ن) طويل و لا بهم سبـاح=وهو في قاعـة البيـر الطويـل يجـر وناتـه
لبو عين(ن) كما عين الوحش تذبح بغير سـلاح=و(خد) و(جيد) فيها منوة(العاشق) و مشهاتـه
اهوجس فالنهار وفي ظلام الليل أصيح صيـاح=ولا ينـلام مـن (ذاق الغـرام) و (ذاق لذاتـه)
فلا شك البلا مـن دونهـا كسابـة (الأمـداح)=قضبها في يدينه واحد(ن) قضب (العمى) شاتـه
وغلق دونها (باب الحديد) و (كسـر المفتـاح)=وانا (مقهور) من (جور الزمان) و(حر لوعاته)
جرحني صاحبي جرح(ن) عجز بعلاجه الجراح=حسانيـه القديمـة مـا تكافـح (ربـع) سياتـه
هاك الحين (الاوادم ما تشكك و القلوب صحاح)=وتالِ الوقت كل(ن) .. (شانت ظنونه و نياتـه)

.. الشــــــاعـــر ..
& .. أحمـــــد النــاصـــر الشـــايـع .. &