باسمك اللهم رب ماتنامي=يالرحيم اللي برحمانه رحمني
مدتك تغني وتسقي كل ضامي=وادري انك يا الهي تمتحني
قالو ان المتقي ماهو يلامي=واتقينا بالمباني والمبنّي
والنتيجه ياعيوني لاتنامي=يانجوم الليل جاك الضيف غني
كيف انام وكل يومٍ جرح دامي=والضلوع اتحن واجروحي تحني
لا متى والناب بِلا في بهامي=والطموح امن الذنوب اللي تعني
والعزايم راس مالك يالعصامي=ليت حظي عزني واللا دفني
لا متى ياحظ تقصرعن مرامي=كل ماظنيت فيك ايخيب ظني
كان تبغا علمنا حامي بحامي=استقم ياحظ واللا حل عني
ويالزمان اللي غدى مثل الحرامي=عرف بنفسك وانا بقول منّي
خوتك لي من قبل عشرين عامي=والمحبه بينا من صغر سني
ودك اتكبر عواقبها جسامي=واتحدى كل نيبانن تسني
اتوهم بك واشوف الدرب سامي=واتوهم حالتي بكره لمني
واحسب اني دايمن بك ياوهامي=واحسب اني واحسب اني واحسب اني
ماعرفت اللا الهياكل والاسامي=لدري اش جاني ولا وش راح مني
ليغفيت اشوف كابوس الحلامي=وان صحيت اسمع لي اصواتن توني
والله انها طعنة لي في سنامي=والسبايب من تحت راس المحني
مابغيت اثور واعلن انتقامي=قبل اوكدطعنتي فاللي طعني
وانت يالي ماتبي تسمع كلامي=لي وصلك العلم رده للمغني
والله ان اسل سيفي من احسامي=لين افطّن كل جاهل مافطني
والشعور من الشعار اللي امامي=لا تراجع في مسيري لا تأني
ماعرفت الذل ياروس السهامي=وحربتي في راسهاعشرين جني
والرفيق اللي يبي يرفع مقامي=يحتزمبي في الكبيره لي زهمني
لو يحل البعد دونه والزحامي= والله ان اجيه عاني وامتعني
والخوي ان خاب زود في علامي=اهدئي يانفس وانسي واطمئني
مستحيل ارضا بذلي وانهزامي=مستحيل اخضع لغير الله لئني
دمي اللي في عروقي دم< يامي>=والمباني ساس ماهي بالتبني
ودامني لا قمت شلتني عظامي =ما علي من الحمول اللي تعنّي
واليماني لا غزا صوب التهامي =يركب حصان السبق والا يدنّي
والمدينه ما تناسب كل رامي =ذاك طير البر في البر امتهني
ليه يوم اقيس قدري عند شامي =والمعدي ما تلفت للمونّي
والليالي كان ما تبغى سلامي =تحسبني قيس والا تحسبني
قل لها اني ما اتخلى عن وسامي =لا اطرد مقفي ولا حب التدني
دام ربي فك بسطك عن مقامي =خلي جروحي بقلبي تستكني
كل يوم تستثيرين اهتمامي =بالثريا كل ما جتني تغني
ان طردتك ما قدرت الحق نسامي =وان سهرتك عشتك احلا م وتمني
وان بغيت اشر با صابع اتهامي =عودت باللوم صوبي تتهمني
المعذره يا بدر ليل الظلامي = كم سنه ما غير نورك يحتظني
ما تبي تنزل تحب تكون سامي =وما وصل لك غير شوفي ثم شحني
واحترام النفس يفرض احترامي = واحترمتك يوم شفتك محترمني
وانختم معنى القصيده باستلامي =والقوافي صنعتي والفن فني

المشاركة الأصلية كتبت بواسطة ابونايف الوعيلي (المشاركة 639996) لاهنت على النقل اخووي جمــال ال سالم صح لسان ابومحمــد دايم مبدع جعله يسلم تقبل مروري ابونايف الوعيلي

المشاركة الأصلية كتبت بواسطة مسعطر (المشاركة 645160) صحححح لسااااانك يا جمال و صح لسان المبدع ابن دليم ,, تقبل مروري ,, أستودعك الله ,,

المشاركة الأصلية كتبت بواسطة واصل بأذن الله (المشاركة 646198) صح والله السان الشاعر المبدع: ابو محمد ولا شك ان ابو محمد من الشعار المتـألقين و هو غني عن التعريف ويستا هل كل طيب والله يعينه ولا يخيب رجاه إنه السميع العليم. والشكر موصول للآخ جمال على هذا النقل. وتقبلو تحياتي,,,,,,

المشاركة الأصلية كتبت بواسطة محمد آل سالم (المشاركة 651829) الله لا يهينك يا بوعلي على هالنقل الطيب وابومحمد مبدع دائما تقبل مروري