![]() |
الـصـوره 2
السلام عليكم اعتذر عن التقصير واقدم لكم الجديد ____________
الصـوره اللـي ( بجوالـي ) تعذبـنـي=ياكثـر ماجيـت ابمسحهـا ! واخليـهـا ياللي جفيـت وجفـاك المـر .. ذابحنـي=عقبـك وجيـه البشـر .. مانـي بدانيهـا من يوم حبك .. غـزى القلـب وتملكنـي=قطعـت كـل العـلاقـات وطواريـهـا اقـرى رسايلـك ودمـوعـي تسابقـنـي=وارد ! واقرى الرسايل .. واحتفـظ فيهـا انت آخر انسـان هاقـي منـه يصدمنـي=والظاهـر ان هقوتـي بانـت مواريـهـا لـو الوصايـا ليـا احتديـت ! تنفعـنـي=ياكثـر نـاس ٍ علـى ذودي بوصيـهـا ليت الفـرح ( بنـك ) لاجيتـه يسلفنـي=واقاصـده ( راحتـي ) وحقوقـه اوفيهـا من كثر ماكنـت ! جارحنـي وظالمنـي=قمت اعـزل جروحـك بقلبـي واسميهـا تـدري وش اللـي يبكينـي ويضحكنـي=انـك محـامـي قضيتـنـا وقاضيـهـا تدري متاك ؟ تعـرف قـدري وتفقدنـي=لارخصت نفسك ,, لشخـص ٍ مايراعيهـا بكـره الا هملـوك الـنـاس تذكـرنـي=وتقول عـزاه : عينـي مـن يداريهـا ؟ مدام غيـري ؟ علـى قلبـك مشاركنـي=وش هـو لـه ؟ اعلـق الأمـال وابنيهـا يكفينـي انـك رحلـت ومنـت عايفنـي=هذا عـزا النفـس مـن كثـرة بلاويهـا اهديتك : دمـوع مـن طعنتـك تحرقنـي=وانـت اللـي تستاهـل الدنيـا ومافيـهـا واهديتني جرح .. موجعني ؟ وعاجبنـي ؟=لــن الهـدايـا عـلـى مقدارمهديـهـا صحيح ! ( حنا انتهينا ) .. بس صدقني !!=والله ان تبقى ( هوى روحـي ) وغاليهـا مفضوح ؟ راع الهيام .. ونظرته !! تغني=ملامحه واضحه ! , في وجهـه راعيهـا لكـل داء ٍ دوا .. لـو هــو متعبـنـي=إلا محبتـك ؟ .. أعيـت مـن يداويـهـا ان قلـت : علمنـي انسـى ؟ لاتعلمنـي=دنيـاي لامـن نسيتـك ويـش تاليـهـا فارقتنـي وضحكتـك عيـت تفارقـنـي=والله يلعـن ابــو الفـرقـا وطاريـهـا مقدر !! أفكر بغيرك ؟ .. وانت عارفنـي=عشان حاجه ؟ بقلبي .. مقـدر !! أخفيهـا اخاف لاحبنـي غيـرك ؟ .. وعاشرنـي=يشوف صورتـك فـي عينـي ويوحيهـا نشدت عنـك ؟ وسمعـت اللـي يفرحنـي=وارتاح صـدري مـن همـوم ٍ يحاتيهـا تبي تعرف ! وش ؟ على الفرقا مصبرنـي=انـك بخيـر .. وحياتـك مهتنـي فيهـا مـن يـوم ماغبـت ! والوحـده تعذبنـي=اقرى ( رسايلك ) فـي حرقـه والاحيهـا اشوف ( صورتك ) .. ودموعي تسابقنـي=وياكثـر ماجيـت أبمسحهـا ؟ وأخليـهـا |
رد: الـصـوره 2
مدام غيـري ؟ علـى قلبـك مشاركنـي=وش هـو لـه ؟ اعلـق الأمـال وابنيهـا يكفينـي انـك رحلـت ومنـت عايفنـي=هذا عـزا النفـس مـن كثـرة بلاويهـا الله عليك مهدي ,, صح لسااانك على القصيدة الجزززلة ,,, والله الله في خواتها :) تقبل مروري ,, أستودعك الله ,, |
رد: الـصـوره 2
ارحب ارحب يا سعود وصح لسانك على ذا القصيدة الجزلة ذا القصيدة قديمه قريتها عند محمد بن سعود :) ولاتحرمنا من جديدك ولاهنت |
رد: الـصـوره 2
سعود بن مهدي
صح الله لسانك مليار وبيض الله وجهك امتعتني بذالرائعه لكن ما طلع هنا الا صدر كل بيت اما العجز مختفي لاهنت |
رد: الـصـوره 2
شوفو لنا حل .. :)
القصيده ابغى اقراها مهب طالع قدامي الا الشطر الاول من كل بيت . :) |
رد: الـصـوره 2
السلام عليكم
الاخ سعود صح لسانك ويعطيك العافيه على الابيات الرائعه,,,, تقبل تحياتي,,,, اخوك |
رد: الـصـوره 2
نشدت عنـك ؟ وسمعـت اللـي يفرحنـي=وارتاح صـدري مـن همـوم ٍ يحاتيهـا [/align]تبي تعرف ! وش ؟ على الفرقا مصبرنـي=انـك بخيـر .. وحياتـك مهتنـي فيهـا مـن يـوم ماغبـت ! والوحـده تعذبنـي=اقرى ( رسايلك ) فـي حرقـه والاحيهـا اشوف ( صورتك ) .. ودموعي تسابقنـي=وياكثـر ماجيـت أبمسحهـا ؟ وأخليـهـا مبدع مبدع مبدع يا سعود بن مهدي قصيده تستحق التقدير جزله ووافيه تقبل مروري واعجابي |
رد: الـصـوره 2
صححححححححح لساااااااااااانك
اخوي سعوووود وعلى الاخرى عانك لك ودي,,,,,,,,,,,,,,,, |
رد: الـصـوره 2
حي ذا العين منك ياسعود :)
اشبعتني شعر :) صح الله لسانك ولاهنت نفداك |
رد: الـصـوره 2
لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا بيت جميل جدا جدا جدا دون القصور في باقي الابيات ومدري كيف وانا اخوك متحمل ذا العذاب ما اقول الا الله يصبرك تحياتي لك حارث الحارثي |
الوقت في المنتدى حسب توقيت جرينتش +3 الساعة الآن 05:54 PM . |
مجالس العجمان الرسمي