أبيات تبحث عن إجابة لدى كل شاعر عجمي
هذه القصيدة مهداة من سلطان الشامري الى كل شاعر عجمي
ياعجمي وين القى دلال مباهير تذهب عمس من صك باب الجهـالة بس البلى يا شيخ مابه تباشير واشوف راعي الكيف صفق دلالة هذا زمان غير والي نبي غير والفرق واضح مايبي له دلالة هذي مباهيل وهذي مصارير وهذي لك الله ما عليها اشمالة وهذي مجاهيم وهذي مغاتير وهذي من أية ما عرفنا سلالة أبنشدك يالقرم شبل المناعير يومك فطين وضاري بالشكالة وش حيلة الي عذبته المداوير يقنص جنوب والحباري شماله متعب رحوله والركايب ورى الطير والطير يابن العم غايب اهلاله وليا رمى دلوه يبي صافي البير من حسن حظه امرست به احباله اسلم وسلم يا ضنا يام بالخير لك صافي الفنجال وغيرك احثالة |
رد: أبيات تبحث عن إجابة لدى كل شاعر عجمي
لاهنت على الابيات يا سلطان
|
رد: أبيات تبحث عن إجابة لدى كل شاعر عجمي
صح الله لسانك ياسلطان
ولا هنت على هذه الابيات وان شاء الله تلقى راعي الدلال المباهير |
رد: أبيات تبحث عن إجابة لدى كل شاعر عجمي
اخي محمد .. ولانت تهون
يشرفني اسبقيتك في الترحب بمشاركاتي والتي أن دلت فإنما تدل .. على قاسم مشترك أنا سعيد به تقبل ودي وتقديري |
رد: أبيات تبحث عن إجابة لدى كل شاعر عجمي
اخي فهد بن محسن.. ولا نت تهون
يشرفني مرورك .. على دلالي .. ولك صافي الفنجال وتقبل تحياتي العطرة |
رد: أبيات تبحث عن إجابة لدى كل شاعر عجمي
اقتباس:
الله الله ,,, و كرمت على كيف دلالك:) صح لساانك يالشامري ,, على القصيدة الجزلة ,, ولا تحرمنا من خواتها :) تقبل مروري ,, أستودعك الله ,, |
رد: أبيات تبحث عن إجابة لدى كل شاعر عجمي
صح ألسانك ,,يالشامري
والله لا يهينك وعز الله أنك تاخذ الفنجال بيمنــــاك,,, وتقبل مروري |
رد: أبيات تبحث عن إجابة لدى كل شاعر عجمي
اقول راشد بن الذيب
اشرب الفنجال واكب البياله طيب واحب سلوم الطيبيني وانت من اهل الفناجيل وصح لسانك ولا هنت |
رد: أبيات تبحث عن إجابة لدى كل شاعر عجمي
اقتباس:
بيض الله وجهك وينا وين ابن الذيب رحمه الله |
رد: أبيات تبحث عن إجابة لدى كل شاعر عجمي
لاهنت وصح لسانك يالشامري وبيض الله وجهك على القصيده توني اشوفها الحين طال عمرك
|
الوقت في المنتدى حسب توقيت جرينتش +3 الساعة الآن 06:26 PM . |
مجالس العجمان الرسمي