مجالس العجمان الرسمي - دوله مظيم (( سلطان بن وسام))

مجالس العجمان الرسمي (http://www.alajman.ws/vb/index.php)

- مجلس عيون الشعر النبطي (http://www.alajman.ws/vb/forumdisplay.php?f=29)

- - دوله مظيم (( سلطان بن وسام)) (http://www.alajman.ws/vb/showthread.php?t=28660)

دوله مظيم (( سلطان بن وسام))

http://up101.arabsh.com/my/58abb51.gif

قصيدة اعتذار من الشاعر سلطان بن وسام الى غبيش بن خليل الخنافر القحطاني وعمير ال روق القحطاني
لعدم حضوره الحفل وذلك بسبب دخول خاله حنيف ال جدي الهاجري المستشفى

أتمنى أن تعجبكم

http://up101.arabsh.com/my/2b34230.gif

يا غبيش ابن خليل سلم على اعميـر
بلـغ سلامـي لابـن عمـي وقلـه

المعـذره لـو ماتفيـد المعـاذيـر
عن موقفن اكبر مـن العـذر كلـه

مير الظروف الطاريه يـا المناعيـر
ما هي علـى كيـف اللمخاليـق لله

حركت من الافلاج حزت عشا الطير
عقب العصر يوم الشجر مال ظلـه

وقبل العشا متعدي حوطـة اسديـر
ويـرن جوالـي بسرعـه وشـلـه

هلو نعـم سـلام مسيـت بالخيـر
واليا صـوت جعلنـي فدوتـن لـه

قالت وهي وفيها من الحـزن تاثيـر
خالـك امنـوم فـي محلـن مملـه

وما انتبهت الا وانا عاكـس السيـر
كني عمـى والا العقـل فيـه خلـه

هذا يعذرني مـن اغبيـش واعميـر
اثتـبـتـه واوثـقــه بـالادلــه

سلام يـا راعـي النيـاق المغاتيـر
اللـي عشقلـه مركـزن واستحلـه

كنه على الجبـه يـدوف الطوابيـر
في نحور حكامـن وقومـن امهلـه

اثقل على البيدا من اطويـق والنيـر
صفقا الهوا مزحزحـه عـن محلـه

وحنا اليا هبـت عجـاج ومعاصيـر
نجي من اقصانـا برمحـن وسلـه

كل ابلجن يونس براسـه سعاطيـر
مـوت العزيـز ولاحيـاة المـذلـه

مثل السحاب اللي امزونـه مزابيـر
اماانعـقـد الحـبـل والا انحـلـه

انورد الظامي علـى جمـة البيـر
ونخلي سروج امهـاوزات الاظلـه

ميقافنا واحد علـى الشـر والخيـر
يطلـق علينـا دولـتـن مستقـلـه

دوله مظيـم مسطريـن الاساطيـر
فـي معجـم التاريـخ دقـه وجلـه

مركاظنا يشبع بـه الذيـب والطيـر
وينصر بنا مـن حطنـا محزمنلـه

واليـا بطشنـا بالسيـوف البواتيـر
نبطش ولانبطش علـى غيـر ملـه

وسلاااامت نواظركم