الحر يبقى فوق ..
اهلين حبايبي .. هذه قصيده قلتها قبل امس .. وماودي اقول وش سالفتها .. تعرفونها انتم من الابيات ,, ألشعر له ناسه وله من يذوقون احد ٍ بعيد الحوم وأحد ٍ حمامه والشاعر الصادق به الناس يحسون واللي تخفى بينكشف عن لثامه واللي احاسيسه على الحرف يزفون يشمخ شموخ طويق ولّا تهامه واللي تزيّف بالزخارف ورا لون لا بد له وقت ٍ يعجّل عدامه الشعر خالد خلّد اللي يعرفون يرّخ علوم المرجله والشهامه يستعجلك لاجاك يمشي على الهون ويستمهلك لا صار فيها ندامه اللي صدوق ٍ خير من الف مليون من بين ناسه صار عال ٍ مقامه واللي يملّح سيرته كيف وشلون يبقى كديش ٍ ما خطى من لجامه والحر يبقى فوق قدام العيون وغيري دفن راسه سوات النعامه |
رد: الحر يبقى فوق ..
والحر يبقى فوق قدام العيون ***وغيري دفن راسه سوات النعامه
كفووو وصح لسانك يالقرم وعسى الله يفكنا من المستشعرين حتى الساحة الشعبية يرجع لها عزها تقبل مروري؛؛؛؛؛؛؛؛؛؛؛؛؛؛؛؛؛؛؛؛ |
رد: الحر يبقى فوق ..
كفو يالسنافي ان شاء الله ولاهنت عى القصيده
تقبل تقديري لشخصك الكريم |
رد: الحر يبقى فوق ..
عز الله اللي انت صادق
ولا هنت ع الجزلة بيض الله وجهك |
رد: الحر يبقى فوق ..
اقتباس:
يالغالي |
رد: الحر يبقى فوق ..
اقتباس:
الف شكر عالمرور |
رد: الحر يبقى فوق ..
اقتباس:
ولاهنت |
رد: الحر يبقى فوق ..
عبدالله
الحر يبقى حر صح السانك طيبة من طيب لاهنت يالغالي |
رد: الحر يبقى فوق ..
والحر يبقى فوق قدام العيون
وغيري دفن راسه سوات النعامه صــدقت ياعـبدالله وبيض الله وجهك على ذا القصيده الـطيبه والــطيب مايظهر الا من رجال طــيب صـح الـسانك عـبدالله وتـقبل مـروري |
رد: الحر يبقى فوق ..
اقتباس:
ولاهنت عالمرور عسى الله يطول بعمرك .. |
الوقت في المنتدى حسب توقيت جرينتش +3 الساعة الآن 11:58 PM . |
مجالس العجمان الرسمي