القصة حصلت على واحد في منطقة الباحة .

كان هناك رجل متزوج وعنده ولد صغير تقريباً عمره مايتعدى اربع سنين والله العالم توفت زوجته وتركت

وراها الطفل المسكين المهم الزوج اخذ فتره وتزوج ، بصراحه الزوجه الثانية ماقصرت مع الولد حبته

كأنه احد اولادها طبعاً هالكلام قبل مايجيها اولاد عملت المستحيل عشانه لكن بمجرد ماجاها

اطفال اهملت الولد اليتيم المسكين ماعاد تهتم فيه مثل اول المهم الزوجه سوت عزيمة لهلها ولما

كانت ترتب السفرة جا الولد اليتيم يبي يتعشى عطته صحن وغرفت له من العشا وقالت يالله روح

هناك لا تخرب السفره راح المسكين لحوش البيت والجو بارد طبعاً الباحه معروفه بجوها البارد على

مدار السنه تعشا الولد في الحوش وغلبه النعاس ونام انتهوا من العشا وبعد ماراحوا اهل الزوجه

سأل الأب عن الولد قالت الزوجه يمكن نايم عند الشغاله وهو بالعاده احياناً ينام عندهم او مع

اخوانه طبعاً الزوجه ماهي متأكده انه عند الشغاله بس انها تعبانه من العزيمه وقالت عند الشغاله

عشان ماتقوم تدور عليه المهم نام الأب ورأى في نومه زوجته الي ماتت تسأل عن الولد تقول الولد

وينه ؟ قام من نومه الأب وسأل زوجته وين الولد قالت نام الولد نايم هناك رجع الأب ونام وشاف

نفس الحلم مره ثانيه ان زوجته تسأله عن ولده تقول له وين الولد ؟ صحى الأب وسأل مره ثانية

الولد وينه قالت الزوجه انت وشفيك الولد انا شفته نايم عند الشغاله ورجع نام الأب وشاف مره

ثالثه زوجته الميته في نومه وقالت خلاص الولد جاني ....

قام الأب من نومه مفزوع وسأل عن الولد وقام دور له مالقاه عند الشغاله ولا هو مع الأولاد ولقاه

بالحوش ميت والله ميت لا حول ولا قوة إلا بالله وش ذنبه مسكين قضاء وقدر بس الإهمال نتيجته

وخيمه تدرون كيف لقاه حوله القطط وفوقه عشان تحرسه لين احد يكتشف مكانه طبعاً الولد

لابطانيه ولا شي والجو بارد جداً ...

الله يرحمه ويعوض ابوه خيراً منه ...

الشاهد هنا إهمال الزوجه الثانية ورؤيا الأب لزوجته الميته سبحان الله ...


أتمنى أن أكون نقلت لكم مايفيدكم للعظه والعبره

واوجه نداء إلى الآباء الي مثل حال هذا الأب أن لا يهملون أولادهم

والنداء الثاني للزوجه الثانية أي زوجه ثانية عليها أن تتقي الله في أولاد الأب ...



ولكم مني كل التقدير والإحترام
" اخوكم ابراهيم بن محمد "