كلٍ على فاله تجيه الأماني = وانا الوحيد اللي تحرّى امانيه
يا ليتني لا قلت أحبّه .. لفاني = او قال احبك موت ؟ .. والله لأجيه
لا قال أحبّك .. أدخل بجوّ ثاني = وتصيبني خلّه .. اذا مرّ طاريه
مدري الوم النفس والا زماني ؟؟ = والا ألوم اللي على البعد حاديه !
يا ليته قريّب وأشوفه وزاني = وأمشي معه في كل حزّه وأخاويه
أحسب حساب الليل كنّه ثواني ! = يا حيّ ليلٍ مع حبيبي أقضّيه
لكن حظّي وجهته للطماني = لو كان يشرى الحظّ ؟؟ ... والله لأشريه
أبذكره حتى ولو هو نساني = وانا ادري ان مابه ظروفٍ تنسّيه
لكن همّي وإنتظاري طواني = ويبقى الحزن داخل عروقي مخبّيه
إي والله ان اللي حصل لي كفاني = وشيءٍ تعدّى الحدّ مابيه مابيه
قولوا له ان خلّك حظوظه .. تعاني = شيءٍ بغيته لكن الحظ مخطيه

المشاركة الأصلية كتبت بواسطة عبد الله ال زريق (المشاركة 515667) الله الله خطير يابوفهاد صح لسانك وبارك الله فيك على القصيده ولاهنت يالغالي

المشاركة الأصلية كتبت بواسطة الاب الروحي (المشاركة 515681) مـدري الـوم النفـس والا زمانـي ؟؟ والا ألوم اللـي علـى البعـد حاديـه ! صح صح لسااانك مبدع دائما تقبل مروري ودعتك الله

المشاركة الأصلية كتبت بواسطة محمد بن دسمه (المشاركة 515725) بري حالي :) لاهنت لاهنت .. صح الله لسانك يابوفهاااد ولاهنت يالجزل يـا ليتـه قريّـب وأشوفـه وزانــي :)