|
تعلمنا نقول الصدق لا لفــه ولا دوره
السلام عليكم ورحمة الله وبركاته
صراحه شدني عنوان القصيده وعقب ما قريتها حبيت أنقلها لكم00 قصيدة اسلوبها متفرد -------------------------------------------------------------------------------- إليكم هالقصيدة ياجماهيري وهي خطره وخلوا هالرقابة تسجن الشاعر وجمهوره هدوء أيها السادة حظور الحفل والسهره مساء الخير على الصاحي وأشوف الناس مخموره أنا آسف على الإزعاج ولكن طارت السكره ذكرت اني قبل ساعات أصيل وعزوتي نوره على فكرة ـ الكرفتة ـ عجزت أفكها عسره أبي واحد ينزلها أو أي وحده ومشكوره وأبي ثوبي جيبو لي ثوبي الأشهب مع الغتره قبل والله لأطربقها على هالحفل بحضوره ولا واحد يتكلم قبل ما أخلص النشره ومن يحكي قسم بالله لأدوس برجلي حنجوره تراها قفلت ياسادة بلادي وياستره وهي مادمها خربَت بأقول الليلة الثوره أنا بحكي من أول يوم جيت لدنيةٍ قذره وتكرم عن قذارتها بيوت الله معموره أنا مولود في ليلة شتاء مع بردها مطره في خيمة وسط صحراء مابها سستر ودكتوره أنا ياحضرة السادة غريب وضاع من صغره لعن جدي زماني بين مدهوره ومهجوره حملت من الشقاء مالايطاق وجايكم ذكره ولاني عاجز اتحمل واموت بنفس مقهوره وانا ادري يذبح الرجال كثر الصبر في قهره وعن قهر الرجال المصطفى حذر ومذكوره وهم قالوا مفاتيح الفرج للحي في صبره وانا اشوف الصبر مفتاح ضاع وزاد طابوره تعبت ألملم ايامي بيدين الهم والحسره تعبت ألمع البرواز وامسح غبرة الصوره تعبت ابوس كف الجوع وخشم الفقر طال عمره تعبت اكذب على الحاجه وأقول الحال ميسوره تعبت أحمس من القهوة واحط السمن والتمره تعبت ودلتي وحده وكل شووي منثوره احسب العز بالدلة وبيت النذل به عشره دلاله اكثره ملعون ومليانه ومسطوره انا بحكم البداوة انزرع في داخلي بذره عن علوم المراجل ألف بذرة فيني مبذوره تربينا على الدين ونطيع الله مع شكره تعلمنا نصلي ونحفظ القرأن وكل سوره تعلمنا نحب الضيف وفينا الكرم فطره وتعلمنا نقول الصدق لالفه ولادوره تعلمنا نحلب النوق ونعرف وشهي البكره تعلمنا الظمأ وحنا في يدين البير محضوره تعلمنا وكثير اللي تعلمناه وشـ كثره أخذنا درس بالدنيا بلا دفتر وسبوره وانتم ياسكارى الحفل عفوا أيها الزمره منو فيكم عرف قهر الزمان وظلمه وجوره منو فيكم وطاه الجوع وذله وصفقه فقره منو فيكم عرف يحتاج للقمه ونشف زوره منو فيكم من الضيقة حفر بأصابعه قبره منو فيكم رقد ليله وسط أجساد مقبوره منو فيكم مشى برمضى كأنها الجمرة منو فيكم سهر ليل الظلام بدون أبجوره منو فيكم ماطاح ألفين مره وسلمت الجره وانا من قبل اطيح وجرتي بيديني مكسوره لكم الماء والوجه الحسن والمال والخضره ولنا حنا الظمأ والجوع وفقر وشيفة عوره ولا مره حظي ضحك في وجهي واشكره مره وغيري مبتسم حظه وكل ايامه مسروره كتبت الشعر من صغري وبيوتي مابها كسره وانتم تبرزون الي كتب بيتين مكسوره أنا ياحضرة السادة فقير مااغتنى بشعره مادام المومس اللي تشري الأشعار مشهوره وانا ياحضرة السادة هنا الليلة وعلى فكره ترى هالبذلة مسروقة ورجلي بجزمة محشوره ولكن قلت ابحضر هالحفل والوقت ابختصره وابي ابدع معاكم وسط ليلة انس ومحضوره وإذا كانت رجولتكم بكأس الثلج والخمره انا بشرب بدون الكأس وثلجه ألف قاروره ابويه قال لي مره دسم شارب بالغبره مايدري بالشنب محلوق وجابر فاقد شعوره انا ماشي مادام الليل ودع وابتدأ فجره بروح ارد هالبدله على المعلاق مزروره وانا ادري ياكلاب الحفل إني بالسجن بكره مادام الليلة جبت العيد في هذا الحفل وحضوره م ن ق و ل للشاعر / جابر العتيبي |
رد: تعلمنا نقول الصدق لا لفــه ولا دوره
صــــح لســــــان الشاعر جابر العتيبي
ولاهنت على الاختيار الموفق http://www.l22l.com/l22l-up-3/4145cacd8e.gif |
رد: تعلمنا نقول الصدق لا لفــه ولا دوره
لاهنت
ودعتك الله |
رد: تعلمنا نقول الصدق لا لفــه ولا دوره
وانا ادري ياكلاب الحفل إني بالسجن بكره
مادام الليلة جبت العيد في هذا الحفل وحضوره هههههههههههههههههههههههههههههههههههههههههههههههههه ههههههههههههههههههههههههههههههههههههههههههه عجييييييييييييييييييييييييبه :) والله اني ضحكت على كثر ما أحزني :) صح لسان شاعرهاااا والله يهديه ، وتسلم ايدك اخوي مايصح ولا هنت على الاختياار والنقل المتميز تقبل تحياتي |
رد: تعلمنا نقول الصدق لا لفــه ولا دوره
طرح جريء صراحـةً
عموماً : صح لسان الشاعر ولا هنت |
رد: تعلمنا نقول الصدق لا لفــه ولا دوره
والله قصيدة.. جد متفردة.. الله يصلح احوال شاعرها.. وشكــراً.. مايصح الا الصحيح.. |
رد: تعلمنا نقول الصدق لا لفــه ولا دوره
و هم قالوا مفاتيح الفرج للحي في صبره=و أنا أشوف الصبر مفتاح ضاع و زاد طابوره
......
تعبت أحمس من القهوة و أحط السمن و التمرة=تعبت و دلتي وحده و كل شوي منثوره أحسب العز بالدلة و بيت النذل به عشره=دلاله اكثره ملعون و مليانه و مسطوره .......
تعلمنا نحب الضيف وفينا الكرم فطره=و تعلمنا نقول الصدق لا لفه ولا دوره
.......
لكم الماء و الوجه الحسن و المال و الخضره=و لنا حنا الظمأ والجوع و فقر و شيفة عوره
ما يصح إلا الصحيح .. صح لسانك ياالسنافي و صح لسان جابر العتيبي.. قصيدة فعلاً قووووية و جريئة.. لكن عندي ملاحظة :)
كتبت الشعر من صغري وبيوتي مابها كسره=و أنتم تبرزون اللي كتب بيتين مكسوره
يا ليت الشاعر ينتبه للبيت هذا و يطبق اللي هو يقوله فيه .. القصيدة قوووية و جريئة .. لكن للأسف فيها كسور .. و فيها حتى أغلاط في القافية بعد .. على سبيل المثال هذا البيت .. ولا مره حظي ضحك في وجهي و اشكره مره=و غيري مبتسم حظه و كل أيامه مسروره
لاحظوا بين ذا الكلمتين( أيامه .. مسروره ) كسر واضح إلى درجة ان فيه وقفه قوية ما تقدر تنطقها بسلاسه ... و البيت هذا فيه غلط في القافية ..
منو فيكم ما طاح ألفين مره وسلمت الجره=و أنا من قبل أطيح و جرتي بيديني مكسوره
قافية الشطر الأول ( الجرّة ) ... بالشدة ..و باقي القصيدة بسكون الراء .. هذا ما قدرت ألاحظه مع إني لاحظت غيره وووواجد بس حبيت انوّه .. عموماً شكراً اخي مايصح إلا الصحيح .. |
رد: تعلمنا نقول الصدق لا لفــه ولا دوره
الله لا يهينكم جميع على المرور الطيب
|
| الوقت في المنتدى حسب توقيت جرينتش +3 الساعة الآن 01:51 AM . |
مجالس العجمان الرسمي