|
قصائد الشعراء في مدح قبيلة العجمان
هذه قصيدة للشيخ:فهد بن جويعد آل عيد الغييثات الدوسري ،وكان قد نزل هو وجماعته على آل حبيش من العجمان ،وقد أكرمهم آل حبيش غاية الكرم.
وردنا عد متيهين المعاشير = وكرمان لاجات الليالي شحاحي حبيشيةٍ يروون حق المقاصير = وفي اللقا يوفون حد السلاحي قصيرنا نعطيه حجل المواخير= ونسقيه لو إن الثمالة تماحي لومي على ابن سويدٍ يالمناعير= فلا سقاني شربة من مراحي وشبيب خيال السلف والمظاهير= يشبع بمركاظه خفوق الجناحي واذكر قصيرك يا ابن طلبان بالخير= فكل جارٍ تاليته المراحي وهذا الشاعر مفرح المطيري يقول هذه القصيده بعدما سأله احد خواله : من هم اصحابك فأجابه الشاعر بهذه القصيده وهذا
اصحابي الاجواد من كل القبايل = اولهم العجمـــــــــان ماضين الفعايل صحبة شرف ياللي تعرفون الدلايل = عجمــــــــــان والله في معانيهم رجال ادناهم اللي يذبح الكبش السميني = ويكثر الترحاب عند الغانميني عذروبهم ياما فروا بطن ٍ بديني = يومن للبارود بالراس اشتعال وهذا الشاعر الخالدي يقول هذه الابيات في مدح احد رفاقه من العجمان :
يالله تفتح له من الرزق بابه= واتجنبه درب العسر ماينولي هذه ابيات قالها الشاعر/ محمد العازمي في مدح العجمانواجمع شمل عجمان ساس الصلابه =واجعل فرحهم دايم ٍ مايزولي من قال انا عجمي ترى غصب اهابه =من قال انا السلطان سيد الزحولي
ابذكر العجمان سقم المعادين =وقت الملاقا مادخل قلبهم لين خطلان الايدي للطويلات ضارين = عجمان قبلي جابهم كل قايل 000000000000000000000000000 وهذي الابيات قالها احد الشعراء باللغه الفصحى ولانملك منها الا بيت واحد
ليس في البدو مثلهم طلاب = جعلوا الترك قبل كالالعاب
ـــــــــــــــــــــــــ :
الطيب بين المخاليق قسمين = قسم مع العجمان وقسم مع الناس
ـــــــــــــــــــــــ :
عـجـمـان لا ركـبـوا على كل شملال = يفرح بهم راعـــى الـنـياق الهزيله
ــــــــــــــــــــ :
اذا جلستوا في مكانٍٍ سلاطين = واذا وقفتوا روسكم للسما فوق
ـــــــــــــــــ :
آلاد مرزوقٍ وسقم المعادين = ياسعد منهو انتخى آلاد مرزوق
ــــــــــــــــــــ :
النعم للعجمان مافيه معروف =قول وفعل ماتنفع انقاط وحروف
ــــــــــــــــ :
مجد تعلى كنه سهيل مشيوف =دليلنا في مدحهم فعل راكان
ــــــــــــــ : قال شاعر من شعراء قحطان :
يالله عسـى العجمـان مايذهبونـي=أن جيت فروتهـم حذفـت بعباتـي وأن جيتهم فـي حاجتـن قلطونـي=صفوا صفوف(ن)لين تقضي حجاتي وسامحونا على القصور اخيكم ابو منيف |
تسلم يا ابو منيف جعلك تحيا يا الذيب على ذا القصايد الجزله
|
ارررررررحب يابو منيف ومرحبا ومسهلا ولاهنت يالسنافي على الموضوع والقصيد المتميز يالغالي
|
ما قصرت يا ابو منيف وافي طال عمرك على ذا الابيات الجزلة
|
لا هنت يا ابو منيف وجعلك تسلم يا الغالي على الابيات الجزلة
|
لا هنتم جميع ومشكورين يا بني عمي وما عليكم زود
|
بيض الله وجهك ولاهنت يا ابومنيف
وجعل عمرك طويــــــل يالقرم |
مامن قصور يابو منيف
تسلم والله على كل حرف كتبته تحياتي لك يالسنافي |
لا هنت على المجهود
وعساكم على القوه |
ابومنيف
الله لايهينك يا السنافي تحياتي,,, |
| الوقت في المنتدى حسب توقيت جرينتش +3 الساعة الآن 02:41 AM . |
مجالس العجمان الرسمي