ياكثر ما نذكر من الناس غالين
أصبح على الجميع بالخير ]وعدت لكم من جديد وحامله معي روعه من روائع الشاعر الكبير : ( صقر النصافي ) رحمه الله تعالى أتمنى أن تحوز على رضاكم وأعجابكم
اليوم ياعيني علامك ترفين =ولانتي على العادة بنثر الدموعي أما يبي يلفيك علمن ماهو زين = وإلا تذكر ماغدى من اربوعي ياكثر مانذكر من الناس غالين =حدر الثرى ماعد فيها رجوعي راحو مراحن منه ماهم ملفين = صارت منازلهم عذابن للشيوعي الله على وقتن مضي مثل هالحين = ابعد علي اليوم من حب كوعي اليا ذكرته والمخاليق غافين = جريت مايفتح مفالج الضلوعي يوم(ن) وقتي مقبلن ياأدعج العين = عروس عشق ومعجبتها الدفوعي واليوم وقتي صار بين اليهاهين = إليا طاب لي يومين خبث لي أسبوعي دنيا نبي منها عدال الموازين = وتميل لوني في خطاها جزوعي تضحك لناس(ن) بالفرح مستمرين = وناس(ن) تجيهم بالكدر والفجوعي وصارت بها سود المقانع شياهين = وفحولها صار اتبوع التبوعي وســلامـتـكـم أخـــــتــــكــــم صــــدى الأهــــــات |
رد: ياكثر ما نذكر من الناس غالين
رحمه الله
الاخت صدى الاهات اختيار رائع لـ قصيده رائعه شكراا لك على النقل الجميل |
رد: ياكثر ما نذكر من الناس غالين
الله يرحم صقر النصافي
قصيده جميله ورائعه من قصائد صقر النصافي لا هنتي على النقل الرائع والطيباحترامي |
رد: ياكثر ما نذكر من الناس غالين
اليـوم يا عينـي علامـك ترفـيـن=ولا نتي على العادة بنثـر الدموعـي أما يبي يلفيك علمـن ماهـو زيـن=ولا تذكر ما غـدا مـن اربوعـي يا كثر ما نذكر مـن النـاس غاليـن=حدر الثرى ما عـد فيهـا رجوعـي الله على وقتن مضي مثـل هالحين=أبعد علي اليوم مـن حـب كوعـي صح لسان النصافي الله يرحمه و يسكنه الجنة.. صح نقلك و إختيارك أختي صدى الآهات.. تقبلي مروري و تحياتي.. |
رد: ياكثر ما نذكر من الناس غالين
ابيات معبره ومحزنه ...
تقبلي اعجابي ... وازكى تحيه .. |
رد: ياكثر ما نذكر من الناس غالين
صبحك الله بالخير أخوي : عساه خير
لاهنت على هالمرور الطيب ولاشكر على واجب ياأخوي تقبل مني خالص التحيه: أختك / صدى الاهات |
رد: ياكثر ما نذكر من الناس غالين
صبحك الله بالخير أخوي : الرسام
ومن قال يرحم أنشألله ولاندمت يالرسام شاكرتلك على هالمرور الطيب تقبل مني خالص التحيه: أختك / صدى الاهات |
رد: ياكثر ما نذكر من الناس غالين
صبحك الله بالخير أخوي : مسعطر
صح بدنك ومن قال يرحم أنشألله ولاهنت على هالمرور الطيب تقبل مني خالص التحيه : أختك / صدى الاهات |
رد: ياكثر ما نذكر من الناس غالين
مرحبا وسهلأ أختي الغاليه : الفرس
لاهنتي على هالمرور الطيب والمشرف الي يسعدني كثيرأ(ن) تقبلي مني خالص التحيه: أختك / صدى الاهات |
الوقت في المنتدى حسب توقيت جرينتش +3 الساعة الآن 06:58 PM . |
مجالس العجمان الرسمي