تكفين كفـي مـن اللوعـات ياكبـدي = خليني اصبر وذي العربـان صبـاره
وان كان غثش زمانش ماهـو بـودي = الهـم لوهـو بكيفـي ليـه باختـاره
عدي معي والليالـي غصـب بتعـدي = والعمر يمضـي بنـا والختـم قبـاره
تدرين ياكبد ويـش بداخـل السـدي = لاني محيطش واحيطش باخر اخبـاره
نبغى الجمايل ونبغى المقديـه تقـدي = والنـفـس متغـيـره والارض دواره
واللي يبى يعتلـي مايرخـص المـدي = والنفس مـن طبعهـا بالسـوٍ امـاره
لي ماحزمها الشلـي ماهـو بمنعـدي = عنـد الطحاطيـح للطـولات شبـاره
ارضى يقول القبيلي ونعم فـي جـدي = وافرك خشوم(ن) تقول انها طفت ناره
لاعاش راسي لو اني بورت في وعدي = للشايـب اللـي بكيتـه تـاره وتـاره
وجعل البلاجيك في راسي ولااصـدي = ان كان مااطمر بطمـر غيـر طمـاره
على النقا والفشق في محزمي ويـدي = ولا خير في شاجع(ن)مايحتمـي داره
قلته وانا من رجـال تقمـع الضـدي = قـوم بواريدهـا فـي الجـو ثـواره
ربع تضد الحريب وتحتمـي الحـدي = ماذكر لي رجـل فيهـم ماخـذا ثـاره
صبيان يـام هـل الطـولات والنـدي = تفزع معي فزعـة لعبـده لسنجـاره
وجدي عليهم وياوجدي على وجـدي = وجدي على ديرتي نجـران وغبـاره
وجدي عليهم واهل الدمع مـن خـدي = وماالوم رجل بكى لي طـال مشـواره
ختم الكلام انصحش واقـول ياكبـدي = الـراس مايرتفـع بلسـان ثـرثـاره
مايرفعه كون وقع العضـد والزنـدي = وعهد على لارفعه لطويـق واحجـاره
ياكبد هذا الكلام وجاش مـن عنـدي = ماهوب انا اللي ضعيف يبيح اسـراره
مابغى يقول القبيلي نعـم فـي جـدي = ابغى يقـول القبيلـي ماطفـت نـاره