الطش.. و .. الرش
..هذيان شاعر عله ان يروي بها شيئا من عطش الحب وعلها ان تلامس اوتار الشوق لديكم لنغني بها ونرقص مع الطش والرش(من ارشيف قصائدي) 0 0 0
هيض علي القصيدوهاض بي جشي=قمت ابني اجزل بيوت الشعر واركانه من هاجسٍ مع عسام الليل بي دشِ=صوب على عين قلب الحب نيشانه لي صاحبٍ بالحشا ممسي ومتعشي=يحب ممسى الخفوق وشب نيرانه العام انا خابره سارح بله طرشِ=يحوفهن حوف الام لبعض ورعانه وانا مع الطرش رجلي بالفلا تمشي=تبرا..تراعي خطاها خطو كرعانه كني خريشٍ ندفها نادرٍ نشي=نثر غلبها.. وخلى الظهر عريانه تلوي على القشع مير القشع مغتشي=ماهو يتقي من الي صك جنحانه البارحه جاتني..ثم نثرت عفشي=وانا عيوني بحلوا النوم كحلانه يامرحبا ياهلا..يالطش والرشِ=يامنوة الي كبيده منك جربانه تعال خل الحيا واجلس على فرشي=وعطني علوم الثمر خوخه ورمانه وعطني علوم الفياض..وزهر ماحشي=هم سرحوا فيه اهل الذود رعيانه وعطني علوم السنا والبرق والطشِ=اليا امطرت هي تروي جدب قيعانه واعطيك انا عهد ياذا العلم لااخشي=واصك من دون سرك عشر بيبانه قالت:عساك العنا يانادر العشِ=من عام الاول وانا بالحيل وجعانه من عقب قلبي صخر اضحى لكم هشِ=يلعب به السوس سوس الحب باردانه والله..لادمي فؤادك من سهم رمشي=الين حتى تجف عروق دمانه تذكر..!! جرحت الخفوق وقلت لي بامشي=مديون.. جابه زمانه لايد ديانه تحياتي / النادر |
رد: الطش.. و .. الرش
صح الله السانك اخي النادر قصيده رائعه .
|
رد: الطش.. و .. الرش
من عقب قلبي صخر اضحى لكـم هـشِ = يلعب به السوس سوس الحـب باردانـه
والله..لادمي فؤادك مـن سهـم رمشـي = اليـن حتـى تجـف عـروق دمـانـه تذكر..!! جرحت الخفوق وقلت لي بامشي = مديـون.. جابـه زمانـه لايـد ديانـه صح الله لسانك يـ عبدالله الثمالي قصيده في قمة الروعه والابداع وسلمت وسلم بوحك العذب يامبدعنا وتقبل سلامي واشواقي |
رد: الطش.. و .. الرش
اخوي النادر .. ابياتك نادره ..
يامرحبـا ياهلا..يالـطـش والــرشِ.............يامنـوة الـي كبيـده منـك جربـانـه تعال خل الحيا واجلـس علـى فرشـي............وعطني علوم الثمـر خوخـه ورمانـه جدا جدا اعجبتني ابياتك .. |
رد: الطش.. و .. الرش
صح لسانك على القصيدة الجزلة
والله لايشينك وننتظر جديدك طال عمرك اخوووووووووووكـ |
رد: الطش.. و .. الرش
البارحـه جاتني..ثـم نثـرت عفـشـي---وانـا عيونـي بحلـوا النـوم كحلانـه
يامرحبـا ياهلا..يالـطـش والــرشِ---يامنـوة الـي كبيـده منـك جربـانـه صح لسانك مليار..والنادر مايجيب الا ابيات نادرة.. |
رد: الطش.. و .. الرش
عساه خير
صح بدنك واطراء اعتز به ياراقي النادر |
رد: الطش.. و .. الرش
سعود الخويطري
صح بدنك يابو محمد ولاهنت زيارة الاخ الكبير غاليه من غلاته شكرا لك الاطراء وشكرا لك الثناء على النص النادر |
رد: الطش.. و .. الرش
صح الله السانك يا النادر قصيده رائعه جدا والله يعطيك العافيه .
|
رد: الطش.. و .. الرش
يامرحبـا ياهلا..يالـطـش والــرشِي=يامنـوة الـي كبيـده منـك جربـانـه
صح لسانكــــــــ |
الوقت في المنتدى حسب توقيت جرينتش +3 الساعة الآن 05:27 PM . |
مجالس العجمان الرسمي