عددمايلوح البرق مـن صـادق إلهتـان=وعدد ماتلبي الناس في ثـوب ألإحرامـي
هلا مرحبـاً بضيوفنـا خيـرة الضيفـان=هلا يارجالٍ تحتمـي الموقـف السامـي
صقورٍ تعلت تنفـض الريـش والجنحـان=ولطماتها مـن ناشتـه طـاح ماقامـي
رفعتوبيارق يـام فـي ساحـة الميـدان=وجدانكـم مـن قبلكـم تخلـف الرامـي
تصيد الهدف يوم الرمي من على الذرعان=وكم واحدٍ مـن وقعهـم مـات منظامـي
ومبروك يابن فطيـس ياوافـي الجـدان=ياحرٍ على رجـم الكـرم والوفـا حامـي
معـك بنـدقٍ طلقاتهـا تقلـع النيشـان=وعدك قـراحٍ شربتـه تـروي الظامـي
رفعت الشعر بالبيرق اللي على الامتـان=وطبعٍ لنـا رفـع البيـارق والأعلامـي
وخذا شاعـر الابـداع عبـد الله عبيـان=رسـم لوحـةٍ ماجابهـا كـل رسامـي
ورموز الصحافه توجو فيصل ابن سنـان=ومحمد عويضه حط له بصمـة إبهامـي
عطيتو دروسٍ في الشعر باجزل القيفـان=وكسبتو المحبه والثنـا شـرقٍ وشامـي
يليـن الحديـد ليـام ولغيرهـا مـالان=وعاداتنا نرخـص جلـب كـل سوامـي
ولاهـي تفرقنـا حـدود وبلـد واوطـان=تشوش الجزيره كلهـا لاعتـزى يامـي
تشوش الحسا واتجي قطر في وسط نجران=وتقوم الكويت وتربـط الحقـو بحزامـي
ووادي المياه يفز مـن عـزوة العجمـان=وياويل من هو في نحـا سيلنـا الطامـي
مافينا جبـان وان ظهـر نقتـل الجبـان=مساطيل خلقه ستر مـن تلبـس لثامـي
ولدنـا تربـى للمراجـل ورفـع الشـان=ويدينـا تثـر المـال بيديـن الايتـامـي
وجيهٍ يشعشع نورها من سنـا الايمـان=تلقـي بـدم نحورهـا دون الاسـلامـي
دروع الوطن من راس نجران لين اعمان=منادى الوطـن لـي قـال قـدام قدامـي
نجـرع عـدو الـدار بالـذل والحقـران=ويرجع معيـفٍ عايـفٍ خايـفٍ عامـي
تحت ظل ابومتعب ملكنـا عمـا العـدوان=مليـك العروبـه للمعـاديـن لطـامـي
لمنه عطا لـه مـدة تشبـع الجوعـان=حليـمٍ حكيـمٍ حاكـمٍ نـسـل حكـامـي
وولي العهد تاج الفخـر درعنـا سلطـان=كريم اليميـن وفزعتـه حامـي بحامـي
نعاهـد ملكنـا مابنـا كـاذب وخــوان=ونجـدد عهـد جداننـا عـامٍ بعـامـي
وباسم يام ابن يصبا وسيف الوغاهمدان=هلا مرحباً مـن قلـب همدانـي ويامـي
ذمركم شحم قعدان جنبه شحـم خرفـان=ذمر كل قـرمٍ موقفـه موقـفٍ سامـي