مجالس العجمان الرسمي - ملحمة العجمـــان ( مرازيقٍ محزّمة القنازع )

مجالس العجمان الرسمي (http://www.alajman.ws/vb/index.php)

- مجلس الشعر النبطي (http://www.alajman.ws/vb/forumdisplay.php?f=26)

- - ملحمة العجمـــان ( مرازيقٍ محزّمة القنازع ) (http://www.alajman.ws/vb/showthread.php?t=20319)

ملحمة العجمـــان ( مرازيقٍ محزّمة القنازع )

اضع بين ايديكم هذي المتواضعه

لعل وعسى ان تنال على اعجابكم

قصيده في بني عمي طويله = على الصخري .. أحاول وأرتكي له
بني عمي سلاطين المجالس = شياطين الوغا عزّ القبيله
نزلنا (والطويل) يقود جَمعه = رجالٍ من سلالاتٍ نبيله
سكنّا في رحى وادي يهوّل = وكلٍ بالشدايد يحتمي له
وفي ليل (العيينه ) والبنادق = بطشنا في فهد ويّا عميله
خذينا ثار ضيدان ابن خالد = ومن يغدر بنا ياعزّتي له
تشوف الجمع يمناك ويسارك = مع خيلٍ تعلّى في صهيله
تفجّ نحور فرسان ومشايخ = وكلٍ بالوغا خلّى خليله
وفي (جوده) مع (كنزان) نفخر = وبالهيجا فعايلنا جزيله
(سفارين) المراجل والكرامه = هل الطوله فعايلهم جميله
(نواجع) للزمن عزّ وشكاله = مكانتهم على راس الطويله
(بني هادي) طحاطيح المجالس = رجالٍ ماتعرف المستحيله
(صوالح) ياسعد منهم سناده = رجالٍ ماتعذربهم فشيله
(وآل سلبه) زيازيم الحرايب = رجالٍ مايعرفون الهزيله
(وآل ريمه ) مشاكيل ودواهي = ليا ركبوا على سرج الكحيله
مع (آل لزيز) نفخر في نسبنا = ليا ثار الفشق قدح الفتيله
(شوامر) لا أعتلى صوت البنادق = كبود اللي يحاربهم عليله
(هتالين) الحرايب والمعزّه = ومن يغزي عليهم طاح حيله
(محافيظ) الكرم والجود فيهم = ومدحي في فعايلهم قليله
(ضواعن) هم بعيدين المغازي = سمات المرجله فيهم جليله
(وآل مصرا) صناديد الفعايل = رجالٍ مايعرفون الثقيله
(وآل حبيش) ذربين المعاني = وكم شيخٍ تعجّل في رحيله
(وآل خويطر) رجال الملاقا = وكم شيخٍ رجيله ما تشيله
(آل سليمان ) زبن المجرمينا = سيوفٍ للعُدا دايم صقيله
(وآل وبير ) فرسان الصعايب = كما وبلٍ تحدّر من مخيله
(وآل مفلح) مصاعيط المجنّن = يعاون صاحبه دايم يعيله
(وآل عرجا) اجاويد وأكارم = الا يا ويل غازيهم ياويله
مرازيقٍ محزّمة القنازع = وياميّه خناجرهم سليله
سلام الله على يام العريضه = سلامٍ يعتني لي واعتني له

وسلامتكم

مناحي بن فهاد الصميل