ياشينها لاصرت صاحي وواعي..

ويجيك شيٍ يجعل الشخص مجنون..

يمر بك حلمٍ ولا له بداعي..

ولا تميز لين ذالناس يبكون..

من سبة اللي في غلاه انتداعي..

نشفق على شوفه ونبغيه من دون..

كل الخلايق..! ثم بأمره مطاعي..

مابين ربعه وكلهم له يبدون..

وياتي خبر موته بلحظ إندفاعي..

وتصيبنا صدمة جماعه يهلون..

يهل صمتٍ والمعاني تراعي..

دمع العيون اللي عربها يعزون..

نسياننا نعمه وفيها إنتفاعي..

من لا يطير العقل للي يونون..

هاذي حياةٍ فيها خير وشناعي..

يمكن يصيب الناس بالشر مكنون..

الموت حقٍ والحزن فيه ساعي..

وبالنعمه ننسى كثر الأحزان بالكون..

واللي شكى همه لربه وطاعي..

ماظنتي يبقى بالأحزان مسجون