هل لأحظتم ألفرق بين ألولد.وألبنت؟.
 

سؤال للي عندهم بنات لاحظتم الفرق .]]]]]]]]]]]]]]]]]]]]]]]]]]


زمان كنت الوم ابوي الله يطول بعمره في غلاه للبنات وتفريقه بيننا والانحياز دائما للجنس الناعم حتى لوكان الخطا منهن وبعد ماتزوجت ورزقني الله بولد و---- لاحظت الفرق الشاسع والله يلوم اللي يلومك يابوي البنات نسبه فووق والعيال نسبة تحت تصريف
الولد ماشالله والله يخليه دفش اما يضرب اخته اويتشيطن ويكسر ويزعج البيت او يجيك بابا متى نروح للدكان متى نروح لخوالي وعطني فلوس وماسك خيار ياكله نص افمه خضر ( بس باقي تنتفخ خدوده مدري شدوقه كانه يخزن قات ) ولايرضى باقل من 10 ريال رغم ان عمره ماكمل 7 سنوات ولايعرف يعدهم <<< الله يذكر ايامنا بالخير ندور الريال دوره وماحد يعطيك الا والدموع اربع اربع يرضيك بعد كف على الطاير

اما البنت ماشالله والله يخليها ماكملت 3 سنوات لكن تاكل القلب اكل فرق هدوء وحنان ولباقة وذوق مع الاب تجيك بلبس انيق وماسكه شوكلاته بيدها ولافته بمنديل نظيف من كثر الاناقه والذرابه ياقلبي قلبها ورده ولاكل الورود واول ماتدخل طيران تحضني وتبوسني واذا جلسنا على الاكل جلست بحضني وماتاكل الا من يدي واذا بغيت اطلع سبقتني وجابت الله يعزكم الجزمه تلبسني وقبل ماتنام تجيني تسولف معي سوالف كلها براءه وحنان واحياننا ادخل النت وتطب بحضني وتلعب بالكيبورد اااااه يالبنات يقولون لهن رحمة ينزلها الله سبحانه في قلب الاب حتى الوالده الله يطول بعمرها تضحك وتقول : انته البنت بتعلقك فيها ... قلت ياميمتي ياممتي جت عليها ياما علقونا بالاسهم وجحدونا بنتي ابرك واصرف منهم

مالومك يابوي وربي البنات غيرررررررررررررررر البنات سحرررررررررررررر وجاذبية وحناااااااان

رب هب لي ان اشكر نعمتك التي انعمت علي

ألله يصلح لنا ولكم ألنيه وألذريه أللهم أمـــــــــــين

وفي الختام سؤال للي عندهم بنات لاحظتم الفرق ..





((((منقوووووووووول))))

الله يصلحهم كلهم بنات وأولاد

لكن صحيح البنات قلوبهم أرق شوي من الأولاد وفي كل منهم خير إن شاء الله

أخوي غالب

يعطيك العافية