|
ايااام الله لايعوودها
مووولازم مقدمه صح خلينا نخوش بالقصه دووغري :D يوم الاحد كان يوم عادي حاله حال اي يوم من ايام الاسبوع الى ان جا ذاك اليوم في ذاك الاسبوع في ذاك الشهر في ذيك السنه<< ياشين اللي يبي يتفلسف ولاهوب عارف وشلون :confused: الين جا قبل سنتين وتغير الحال وصار اتعس يوم من ايام الاسبوع لاجا يوم السبت بالليل يبدى العماس وضيقة الخلق ان بكره الاحد ونحاول نطقها نومه للعصر انا واختي << عاطلات عن العمل بس ماش امي ماتخلينا الله يهديها :( عندي اوختين ثانيات بس يتحججن بالدراسه وهن احلف مايفتحن الكتاب << والله ياوحده منهن انها تنام من بدري وامي تغصبني احل واجباتها "" خشه فيها بكوه" :( نقوم من النوم مايمدينا ناكل لقمه ولانريح الا ونبدي كرف في هالبيت انا استلم التنظيف واقعد امسح بهالمكتبه وافرك بهالجدار تقول جدار جمعيه مكتوب عليها ذكريات يعني هو مومن حب بزاريننا للعلم ولاهو من قل الاوراق يوم يكتبون عالجدار بس مدري وش علتهم :rolleyes: ,, قسم يافيه بلاك كهرب خربان وحاطين عليه علامة x وكاتبين فوقه خطر طيب حنا دارين انه خربان ليه حركات استراحه على طريق بقيق الدمام بقيق << كنها صارت رحله داخليه :o اما اختي تستلم المطبخ تسوي حلويات وفطاير وان سألناها وش سويتي قالت سم "ن" هاري عساه زقوم << ماتسوى على اللي بياكله :( ولاجا المغرب راحت امي وجدتي لجيراننا وانا واختي بهالوقت متوهقات وش نلبس الا هالبدله ينقدون علينا العجز وهذي لا ماارتاح فيها وهذي ضيقه وهذي زحمه وعقب ساعه مستحيل تكون اقل يالله نجهز << حاسدينكم يالشباب كشختكم طرق الدشداشه والشماغ وصل الله وبارك :( نرجع لجيراننا :rolleyes: وجيراننا تدرون منهم لجنه خيريه مأجرين بيت ومسنترين فيه وكل يوم احد يسوون ندوه دينيه يجيبون فيها شيخ واذا ماحصلو خلو وحده من هاللي تشتغل عندهم تفتح كتاب وتقرى لها كم صفحه وصلى الله وبارك ودايم رواد هاللجنه عجز الا مره اذكر اني جايه من الجمعيه ولا البراحه صااكه سيارات وعالم وهنووود ودنيا ياربي وش السالفه :eek: وكان ودي اعيش دور الشرطيه في حياتي فقلت فرصتي انزل وانظم حركت السير واخلي سيارتنا تعدي للبيت بسلام :D بس ماش سواقنا جويد دبر عمره ووصلنا للبيت :( عقب دريت انه كان فيه سحب على خطوط جوالات ويوزعون طوفريات << صواني برواية اخرى وهدايا فوريه على قولتهم وتشوف كل عجوز قااشه كل اللي بالبيت علشان ياخذون ارقام اكثر واذا ماطلع رقم الام طلع رقم البنت وان ماطلع للبنت يمكن لااختها وهلم جرا :rolleyes: المهم ماني مطوله وانا اتكلم عن هاللجنه لاني لوطولت ادري بتقرشعون هالموضوع :D ولابتاخذون فكره عني مش كويسه وانا والله كويسه :o فخلوني ساكته ابرك :zip: الوكاد هم دايم يخلصون الندوه لما يأذن العشا واغلب مافي هالندوه نعرفهم ويعرفوننا ولما يطلعون يتجمعون عند باب اللجنه ويمطقون في بعض وكل وحده تنشد الثانيه الين يصيرن نقطه سودا بالبراحه ويمرن امي وجدتي على هالتجمع ويجرونهم للبيت وعمتي ماننساها ماتقصر تجي للندوه ومعها قصيراتها ولاخلصن تجيبهن لبيتنا :( اول مايدخلن ماتسمع الا " لاااله الا الله "" سبحااان الله " استغفر الله"" << للحين بجو الندوه :rolleyes: لما نسمعهم نركض انا واختي ونقعد عند الدلال يابلفيت ان حنا نتحراهم ومن نسمع الصوت كل وحده تقول للثانيه يالله طقيها بسمه صناعيه لان حنا مندبله كبودنا ومغصوبات عليهن :o وطبعا بهالوقت يكون البيت ورده يلق وريحة البخور والطيب والقهوه والشاهي والسم الهاري على قولة اختي وانا واختي << تحسون اشكالنا تحف :D دخلن وسلمنا واصطفن بالصاله وللحين ماخذن عالجو ساكتين ويقلبون عيونهم اما فينا ولافي البيت وحتى في بعض وانا واختي اكثر من يخزنا تدرون من :sad: امــي وجدتي :confused: يامال العافيه يدورن الاخطاء العشره فينا والله اني اتجنب احط عيني بعين امي كل ماالتفت عليها غمزت لي ولاادري هو شعري معتفس ولابلوزتي ولاماسكه الدله غلط مدررررري ""صورة وحده تمعط شعرها "" واصب القهوه لهن واوقف فوق كل وحده منهم ومرات اجي فوق ثنتين وتقعد كل وحده تحلف عالثانيه الا انتي اخذي الفنجال لاوالله من عقبش وانا محرقته بالفنجال وانا احولف بقلبي لو يطولن لاتجيهن الدله طايره مليون :mad: وعندي مرت عمي مأذيتني بسالفة القهوه ماتشبع منها ولاتهز الفنجال ولاتقول بس الا عقب ماتقطر المطاره والله لولا الخوف من امي لااحط الدله عندها واقول صبي لنفسش الين تشبعين :mad: وطبعا الطلبات تهل اخذي اغسلي الفناجيل وجيبي تمر وهاتي كلينكس و جيبي وحطي ولاغثني مره الا وحده ياهي تعبتني :( قالو جيبي ماي حق ام سلطان واروح واجيب لها يوم اجي قالو ماتشرب الا بطاسه وانا اقول انشاءالله واتبوسم وهي من كبدي وارجع للمطبخ وترى مطبخنا بعيد مفصول عن البيت يعني مشوار يتعب واجيب لها الطاسه واشوف انها ماشربت الا شوي وترجعها لي وتقول بارد جعلني ماابكيش قالت امي روحي اخلطيه بدافي وجيبيه < لاتسألوني وشلون مسكت نفسي ولاقلت شي لاني مدري وشلون :o وماغير رايحه جايه وامي جايزن لها اني مسويه عرض للنساوين :rolleyes: ويابلفيت ان بنتي جيده وراعية بيت وانا من جنبها :D اما اختي في نص القعده تطق للمطبخ ولاعاد ترجع للصاله << وربي دايم تسويها وتنكبني :( وطول هالقعده وهن مستلمين خلق الله حش ولايخلن احد بحاله وعقب ساعتين حش :secret: وجن بيروحن قالن ""سبحانك اللهم وبحمد واستغفر الله واتوب اليه وكل اجر وحسنه كسبوها في هالندوه اللي كانن فيها وزعوها في هالقعده ويمكن اكثر بعد الله يغفر لنا ولهن "" :o ويصرفن اعمارهن ويروحن ويفرج عني واروح القط اول ثوب فضفاض والم شوشتي وامسح هالمكياج << قسم ياهو شعوور اسئلو كل بنت ياهي راحه :D تقوم امي تاخذ غسول الفناجيل وتبينا نشربه عن العين << تخيلو لونه مصوفر مغسلين فيه فناجيلهم وايدينهم عقب التمر وانواع السعابيل<< الله يلوع كبدهااا :confused: وخناق وطلايب الا تشربون لامانبي نشرب واللي ماتشرب تسوي فيها امي حركه باااااااااايخه تجي على غفله وتكب الماي على العلبا << الرقبه من ورى :D اقول لامي عادش بتخلعيني بهالحركه ويطير عقلي وبتقولين عين :( ملاحظات لها دخل بالموضوع من قريب وبعيد: _ يااااااااااكرررهي للعزااااااااااايم خصوصا اذا في بيتنا تعب وصك كعب << تحريها قريب :( _ ياشين لاجيت تكشخ لعجايز ماتدري وش تلبس وش تحط :( _ يازين عزيمة البنات فله ووناسه وضحك بلا عجز ينقدن ولابزارين من فرط السعاده ماغير يطربقون رايحين جايين << يازين قبصتهم :rolleyes: _ طبعا الشطه هذي والسوالف هذي كانت اول مافتحو اللجنه قبل سنتين عقب استحو العالم على وجييههم ولاعاد يجي الا ثمان خمس عجايز ووثلاث حريم لوقتكم هذا وهن مايقطعن في مجلس الاحد غير عمتي ونسوان عماني وتعودنا عليهم صار شي عادي ولانكشخ ولاشي من زود الميانه والله اقوم من النوم مرات واقعد معهن :D سلاااااااااااااااااااااااام |
هههههههههههههههههههههههههههههههههههههههههههههههههه هههههه
اشتغلي ياابنت معاد معش الا البيت وين تبغين تغدين رضي برااسك وساعدي امك الله يبارك فيش ويكثر من امثالش هههههههههههههههههههههههههههههههههههههههههههههههههه هههههههههه |
هههههههههههههههههههه حلوه حلوه يا ملكعه
الله يعينش لازم انش تصبرين بما انش بطاليه ولا عندش شغله وعشان العجايز يمدحونش عند بناتهم ويقولون شوفوا فلانه اجيد منكم تصب القهوه و تجيب الماء ولا تزعل اذا ومرناها و ماي الفناجيل يمدحونه يقولون ان طعمه حلو مخلوط بين القهوه والتمر و فيه طعم الحنا الي يحطونه الحريم يعني مخلوط الله يعينش عليه و مشكوووووووووره على القصص الرائعه كل ما غبتي لش فترة جبتي لنا قصص جديده وحلوه والله يعطيش العافيه وتـقبـلي تـحياتي اختـي الفاضله |
الصراحه طول ما انا اقرا وانا فاتح بؤي !!!! :) خشه فيها بكوه ؟؟؟ يعني شنو ؟؟؟ وانا مش عارف انتي جيبه الكلام دم منين يختي ؟؟
عمومآ الله يعينج وباين عليج ست بيت من طراز الاوليّ واما سالف الماي تراها تصير بالدواوين وصارتلي شخصيأ ... بس المزعج بقعدات الحريم ان الحريم اذا اجتمعوا كلهم يسولفون بوقت واحد وشلون يفهمون على بعض مادري ؟؟!! والمفروض وحده تسولف والباقين يسمعونها بس اللي يصير غير !!! مثلج ههههههههههههههههههههههه وحبيت اقولج ترى صوره البزر اللي حطيتهيا قبل ذي احلى لان باين عليه دم خفيف ( كنه اياش ) قلبتيني خليتيني اتحاكى مثلش :) :) |
:thumbs_up :confused: :cup: ايااام الله لايعوودها ]]]]]]]]]]]]]]]]]]]]]]]]]]]]]
ألأخت..ملكعه وبس.. مشكووووووووووووره.. الله لايهينش سالفه من الواقع تحكي الماضي المريييير وعلمش طيييييب ومفرووووووض عليش. امش.. وبيتش.. وضيوووووفش..ياحيييييل الله ياقوي الحيييل.لأتحسفين علي ماسويتي مايتحسف الا الرخمه والضفعه وقليله الاصل..وانتي غيييير. تكرميييين انتي..... ملكعه وبسسسسسسسسسس الله يوفقش للعلم الطييييب اليووووم ودوووم ارفعي رااااسك!!!! واطمري مطامر فرس والدنياء فاااااانيه ونسي أهلشششش دااامك قويه وهمممم حيييييين... الله يوفقش ويعطيييهم طوووول العمر..اللهم امييييييييييين....والسلالالالالالالالام........... ..... |
صقر يام الله يسلمك واما الله يكثر من امثالي ماودي اقول امين اخاف ينتكس الاقتصاد العالمي :o
|
قطنان هلاا والله
اقتباس:
تصدق انك طلعت ايجابيه وحليت لي موضوع العزايم :D اقتباس:
الله يعافيك ويسلمك خيو قطنان وحياك الله |
اقتباس:
اقتباس:
اقتباس:
اقتباس:
اقتباس:
قلبتيني خليتيني اتحاكى مثلش :) وه يازين كلامي بس :D وحيااااااااااك مليوون شرفتناا خيوو |
هلا بك غنوووم يالله حيووه
واما الماضي المرير كثرر منهاااا :D هو صحيح حزتها كان مرير بس اللحين احلى ذكريات والله وبعدين وشبلاك ياخوي قلبتها علوم وسلوم ورخوم سلامات :D والله يسلمك عالدعوه الحلوه زيك والله يسمع منك على كلامك الابطامر واطامر << ياشين اللي يصدق بسرعه :o ومشكوووور عالمرور |
هههههههههههههههههههههههههههههههههه
أنا أشهد إنا مالنا الا بيوتنا :) ملكعه العزايم دايم نجيب فيها العيد :) أحمد ربك جت على كذا ههههههههههههههههههههههه <<<<<<غيرك علووووم تسلمين على الموضووع الرهيــب وربي ضحت من كثر الضحك طحت على الكيبورد مافي توازن :) |
| الوقت في المنتدى حسب توقيت جرينتش +3 الساعة الآن 04:19 AM . |
مجالس العجمان الرسمي