يقول من بين علـى راسـه الشيبـب=والوقـت مغتصبـه ولاعـه وغــره
باقي صغير وشـاف مايشلـع الجيـب=بالصدر ضيق وداخـل القلـب حـره
خلـوه ناسـه لشقـى والمطالـيـب=ودولاب فكـره للهواجـيـس كــره
لكن على اللي يعلـم السـر والغيـب=اللـي مهـو يخـفـاه مثـقـال ذره
بصبر عسى الله يستر الحال ويثيـب=نفسي عـن الـزلات فـي كـل مـره
ومادامنـي عديـت روس المراقيـب=وقمت اتنقى الشعر مـن كـل صـره
وجريـت موالـي وجاوبنـي الذيـب=انـا اشهـد ان الذيـب بعـواه جـره
وانا على صوتـه تركـزت بالطيـب=وغزيـت دار الشعـر جـوّه وبــره
هاجمتـه بعيـن الفكـر والأسالـيـب=وخذيـت انـا ويـاه كــره وفــره
وسريتها والـدرب مايعـرف العيـب=بالراس شر وياكفـى الـراس شـره
وسقت القوافي سوق من ساق له جيب=وتـلـه بنـمـره ثــم تـلـه وزره
قضى حياتـه بيـن حملـه وتهريـب=حملـه يسريـهـا وحمـلـه تُـعـره
لعيون من تسـوى جميـع الرعابيـب=اللـي غلاهـا فـي عيونـي مـقـره
واللي هواها ماعرف شـك أو ريـب=لعيونهـا داعبـت نـجـم ومـجـره
واللي لمـن جيتـه لقيـت التراحيـب=ويعيش قلبي بيـن ضحـك ومسـره
انا اشهـد انهـا تنثنـي للمواجيـب=حـره وبنـت رجـال والفيـن حـره
مكانهـا بيـن الظلـوع المحـاديـب=احسّهـا فـي وسـط قلبـي تُـحـره
اللـي غرامـه تلـنـي بالتلابـيـب=ياطـر جيبـي مـن غرامـه ياطـره
ابو عيون ٍ تسلـب القلـب وتصيـب=ابـراج قلـب اللـي عيونـه تـغـره
اللي حـدود خطـاه خيمـه واطانيـب=ماتبتعـد عنهـا تـخـاف المـظـره
ماداجت بسـوق الفحيحيـل والسيـب=وملبوسهـا مـن زود ستـره تجـره
بنت البـدو تاطـى بنـات الطحاليـب=بنت ارحبـو بنـت البقـى بنـت دُره
بنـت البـدو ومعكفيـن الأشانـيـب=اللـي تشـوش وتعتـزي وتـشـره
من شعب ابو متعب عطيب المضاريب=اطلق شنـب ياقـف بوجهـه يهـره
اللـي حلاهـا أدب القلـب تـأديـب=وريموت قلبـي كيـف تبغـى تفـره
هـي وارثـة حبـي بكـل العذاريـب=تـارث مـادام انهـا لقلبـي تـبـره
وانا ورثت الشعـر والعـز والطيـب=وصــح الله لـسـاااانـي ولله دره

المشاركة الأصلية كتبت بواسطة بدر العرجاني (المشاركة 237986) أرررررررررررحب يا سالم الحمد لله على سلامتك ومن طول الغيبات جاب الغنايم وسجل إعجابي وأنا أخيك على هذه القصيدة الرائعة ولا تحرمنا جديدك.. لله درك يا سالم