يا راكب اللي وِرد في الوارد التالي = توّه جديد وركبو فيه برقيّه
برسل كتابي على ابن الذيب واقوالي = يقرى كتابي ويرجع لي معانيه
والذيب ذيبن ومنه القلب مهتالي = يا سعد يوم عرفت الذيب في جيّه
واللي على بالكم يالذيب في بالي = رسالتن منصديق لك ومهديه
يابوحسن جعلها تفداك الانذالي = ياشوق من به من الغزلان ماريه
لا جيت بيته تحس بمنزلك غالي = شفت البشاشة مع الترحيب مثنيه
كريم سبلا اليا من جاه هشالي = لا جاو من ديرتن بارضن خلاويه
يذبح ويصلخ ولا ينشد عن المالي = كم واحدن فرشه كبش الشريطيه
مفراص ماصٍ وللشدات حلالي = وزبن ابن عمه اليا من جاته دعيه
زبن ابن عمه أليا اونس حر واملالي = وضدن لمن غره المنصب وكرسيه
يستاهل المدح مني ذرب الافعالي = والمدح زين اليا جا في معانيه
يفداه مهو ليا جا الضيف فشالي = لا جاو بيته يحسبنهم حراميه
ونعمن اليا من صكّت الجيلان بالجالي = وافرح اليا جاو في المجلس بطاريه
ابو حسن تِرثت الاجواد الاشبالي = افعالهم من قديم الوقت ملقيه
صبيان يامٍ اليا جا بعض الاحوالي = سقم المعادي ليا ثقلت مواطيه
نعمٍ بهم لا تلاقت شهب الاذيالي = الضد من فعلهم ضيع هقاويه
وصلاة ربي عدد ماهل همالي = على النبي عِد ماينبت بوسميه