|
لولا الحيا والله من جرح الاخلاق ** لآجيب أنا اسم جروح صده عميقه..
سلام عليكم
ايش حالكم انشاء الله انكم في نعمه وخير هذي الابيات قلتها من فتره طويله ويمكن ان تكون من ذكريات ثورة المشاعر ان صح التعبير اتمنى ان تستمتعو بها ....
الشعر مثل المزن لاهـمـل وراق=اعطيه لون ٍ بالدفاتر واريقه ..الحمد والمنه وشكري لخلاق=يعطي وياخذ جل رب الخليقه وانا لو اني مااعرف ان فيه ذواق=للشعر والله ماكتبت بوريقه الشعـر سـحـر يأخذ الفكر بآفاق=وأنا فكر أذوق شعري وأذيقه *انا مصوب من هدب رمش الارماق=وجدي لمن في الحب ضيع رفيقه ياصاحبي شف هم صدكـ بالاحداق=تكفى لترك الصـد شف لك طريقه لو ماذكـرتك مع عنا الوقت ما راق=فكري ولا صدري زفر بكـ شهيقه محبوب قلبك دوم للوصل تواق=تكفى يبيك تقابله في طريقه والله حشـا للقلب في الحـب مالاق= أحد ٍ سوى ......... يبقى صديقه لولا الحيا والله من جرح الاخلاق=لاجيب أنا اسم جروح صده عميقه إسم ٍ لقبه الهجر من مهجتي باق=..قلبي وخلا خيــل فكري طليقه مازال يذكر بس ماعاد يشتاق=عزاه ياواقع ولا انت بحقيقه شوقي غفا بأهداب عينك ولافآق=ولهان تكفى بالجفا لاتفيقه الاشواق من هو ماشكى حر الاشواق ؟=ضيقة صدر وأنا وصدري بضيقه أشتاق..وآهوجس وأنا قلب خفاق=ينبض بشوق أهل الهوى في دقيقه حتى اتهمت ان كل مجنون مشتاق !!=ومشتاق من شفتوا عيونه غريقه ! لكن به استفهام قدام لفراق != ليش البطوله ذي لصالح فريقه يشكونه أقراب ومخاليق عشاق=وصدور غيـد ٍ بالمشــاعر رقيقه وصفه .. بعد و ارهاق تعذيب واحراق=..اقلوب راحت للحبايب سريقه لو الفراق يخاطب الناس بأوراق=كن جاء بسرعه في بريدي بريقه ويقولي دامك بلا حس تنساق=فلا تخاطب شئ ماانته تطيقه وأنا بقول : آسف وبرجع و بشتاق= والقلب يرقب بس رجعه رفيقه.. .. وسلامتكم جميعا .. تحياتي وفائق التقدير |
الاخ الشاعر عبدالله بن قنيفذ صح لسانك ولا هنت على كتابة هذه الرائعه يالغالي تحياتي لك فهد بن محسن |
صح الله لسانك ياعبدالله
والله لايهينك جزل دائما تحياتي |
ابو ناجي ابيات للأمانه اقف امامها احتراما لها ولشاعرها قصيده اصابت مني مقتل لا انسى عندما سمعتها منك في اتصالك علي من جده حينما كنت في لندن كان لها اثر لا انساه الاشواق من هو ماشكى حر الاشواق؟ ** ضيقة صدر وأنا وصـدري بضيقـه أشتاق..وآهوجس وأنـا قلـب خفـاق ** ينبض بشوق أهل الهوى فـي دقيقـه حتى اتهمت ان كل مجنون مشتـاق!! ** ومشتاق من شفتوا عيونـه غريقـه ! ابداع وتميز وانفراد بذائقيه صنعت فيك هذا الحس الراقي.. لاهنت يابو ناجي وجمل الله حالك ولبا قلبك اقبل تحياتي ومزيدا من احترامي |
اقتباس:
|
اقتباس:
|
اقتباس:
|
الشاعر عبدالله بن قنيفذ
صح لسانك ولا هنت على الرائعه جزل دائما والله لايشينك |
اقتباس:
|
عبدالله
صح السانك ولاهنت كلمة رائع قليله اخاف ازيد بلكلام مايوصل مقامك ولا مقام حروفك تعجز حروفي ولكن في الختام لك مني السلام |
| الوقت في المنتدى حسب توقيت جرينتش +3 الساعة الآن 11:08 AM . |
مجالس العجمان الرسمي
