مايعيب الشوف شحّه لو اسميه البخيل=في شحيح الشوف كنك شي ودي اشبعه
مايعيب الورق حسّه لو تمادى بلهديل=يستعاب الحر هزله لو تدارك مطمعه
كان فيني كل حجه عذرها يوم الرحيل=مارحل من ضي عيني غير شوفن اتبعه
لا توريني طعوني في مسرّات الحصيل=دام صوتك منه صوتي شي لازم اسمعه
غير قلبك مازعجته راضي بحلف الجديل=غير دمعك ماغسلني طهر وانشد منبعه
ماهقتني غير نية ماهقتك المستحيل=مامشيتك غير نجمه في عزومي اطلعه
لوكفيتك من طيوفي ماكفيتك من قليل=ماخذيت الطيف كله له بقايااجمعه
لا توريني عيوني ماابي شوفن عليل=خلك اصعب لغز فيني يوم يفنى ارمعه
يوم رحتي مارحلتي جابني فيك الهديل=بشّرن فيك المشاعر يوم اسمي تطبعه
في سكوتي مارحلتي عاجزن صمتي يشيل=شفت صمتي يوم بحتك باعه الي اقنعه
ما اعادل فيك لحظه لو اقارن فيك جيل=لو رحل شوفي يجيني غصب لازم اتبعه