عبدالله بن برغش وعبد الله بن شرفان تبي تعرف شلون ينجحون ادخل واشوف؟
في البداية ابارك لمرشحين العجمان عبد الله بن برغش وعبد الله بن شرفان ثقة العجمان فيهم في دائرة الرقة وعلشان نعطي لمرشحينا مقومات النجاح لازم نساعدهم في طرح افكارنا علشان نستفيد وهم بعد يستفيدون:
أولا : عمل اللجنة النسائية باسرع وقت ممكن. ثانيا: انهم يتوحدون في المقرات وفي جيمع اعمال اللجان الانتخابية وربع تعاونوا ما ذلوا. ثالثا: الكل يوصي على الثاني ولا ينسى من ابن عمه. رابعا: الاعلام والدعاية سلاح ذو حدين يعني لا احد منكم يقول كلمه يمكن تحسب عليه وتاثر على قوته. خامسا: يفكرون في كراسي العجمان ويذكرون العجمان فيها وينسون انهم يمثلون انفسهم فهم يمثلون العجمان هذا بس للتذكير وهم اعرف مني بالشيء هذا. سادسا: التفاؤل وعدم التشاؤم علشان ترهبون خصومكم . سابعا: اصوات العجمان رجال ونساء 7000 صوت تقريبا نص اصوات الدائرة البالغه 16000 احرصوا على حضورهم وخاصة النساء. ثامنا: لا تسمعون دعايات الخصوم ولا تصدقونها ولا تذكبونها بس خلكم واعيين من تحركاتهم خاصة ان لجنة الكندري تشتغل العصر ولا يطلعون الا بعد الفجر ويتابعون تحركات العجمان. واخيرا عليكم بتوكل على الله واخلاص النيه وان شاء الله الفوز حليفكم وباذن الله راح نبارك لكم بالفوز. |
لاهنت لاهنت على الافكار الرائع
وبالتوفيق ان شاءلله اخييييييييييييك |
ولا تنسوا ان الناس مصالح أقصد غير العجمان
وكسبهم الكندري والمطيري بتنفيذ مصالحهم يمشون وراهم عشان سكرتاري من يجد عندك المصلح راح يصوت لك عطوهم مصالحهم عطوهم سكرتير وش يضر ولا عطوهم كرسي جمعيه تبي تناطح اهل المنقطه كلهم الكندري جاب رقم صعب في 2003 محد جابه من العجمان من تأسست دائره الرقه ومن غير نساء بسبب أستقلاله القبائل والصعود على ظهورهم ولو كانو واعين كان قالوا سنه نجحانك وسنه لنا محنا سلم كل سنه تصعد علينا تبي سكرتير نعطيك مثل ما يقول لهم تبون سكرتير اعطيكم بس بدويك مساكين يرضوون بالفتات يحسبونه يعمل عشانهم |
لازم نكسب ثقة اهل الدائرة لانه بالاخير النائب يمثلهم ولايمثل القبيلة فقط يرجي الانتباه لهذه النقطة وعدم استفزاز الاخرين ...
|
في خطوة واضحة لتجديد الدماء
العجمان يختارون عبدالله البرغش وعبدالله الشرفان لتمثيلهم في الدائرة (22) كتب فواز العجمي: اكد ابناء قبيلة العجمان في الدائرة (22) الرقة ما نشرته الوطن قبل ايام بان ابناء القبيلة في حاجة الى تجديد الدماء لمن يمثلهم في الانتخابات المقبلة في (الرقة) حيث اختاروا عبدالله بن برغش، وعبدالله مهدي شرفان لتمثيلهم بدلا من الممثلين السابقين للقبيلة والذين لم يحالفهم الحظ في هذه اللجنة التشاورية كالنائب السابق مبارك صنيدح والنائب السابق سعد طامي وغيرهما من المرشحين الذين دخلوا المنافسة في هذه اللجنة التشاورية التي شارك في منافساتها (14) مرشحا واستمر التشاور فيها حتى ساعات متقدمة من صباح امس الاربعاء. واكد المرشحون الذين لم يحالفهم الحظ في هذه اللجنة انهم سيكونون خير معين وخير سند لاخوانهم الذين تم اختيارهم من قبل اللجنة وسيسعون جاهدين للوقوف معهم حتى يؤدوا الامانة التي حازوا عليها كما اتفقوا عليه خلال تسجيلهم في اللجنة مؤكدين انه لا خاسر من هذه اللجنة فالجميع رابح ومتمنين ان يحالف الحظ اخويهم المرشحين عبدالله البرغش وعبدالله الشرفان للفوز بمقاعد الدائرة الثانية والعشرين (الرقة) خلال الانتخابات المقبلة وان ينالا ثقة ابناء المنطقة. والجدير بالذكر ان المرشحين اللذين تم اختيارهما في هذه اللجنة يحظيان بقبول كبير من قبل ابناء المنطقة بشكل عام وابناء العجمان بشكل خاص وهو ما سيزيد من حظوظهما في المنافسة على المقعدين خلال الانتخابات المقبلة مع مرشح قبيلة مطير عبدالله عكاش ومرشح الكنادرة جاسم الكندري ومرشح العتبان محمد عبدالرحمن وهو ما يشكل تهديدا خطيرا على النائبين السابقين عبدالله عكاش وجاسم الكندري وهو ما ينتظر ان تسفر عنه الانتخابات القادمة في الدائرة الثانية والعشرين (الرقة). تاريخ النشر: الخميس 1/6/2006 |
عرض جميع صور مرشحي العجمان
{السلام عليكم ورحمة الله وبركاته}
يرجى من الأخ الفاضل/ راشد العتل عرض صور باقي مرشحي العجمان مع جزيل الشكر,,, |
بن جابر حاضرين لاكن عجزت وانا ادور صورهم بالنت
|
جعلك تسلم يا المحفوظي هذا الكلام اللي في الصميم ولازم يطبق
|
ابشركم اجتمع عبد الله بن برغش وابن شرفان على توحيد المقرات واللجان الانتخابية قدام يا بني عمنا وابشروا بعزكم
|
الله يعطيك العافيه ياالمحفوظي وانشاالله ترجع الكراسي لنا__وتذكروا قول الله تعالى(ان الله لايضيع اجر من احسن عملا)
|
الوقت في المنتدى حسب توقيت جرينتش +3 الساعة الآن 09:49 PM . |
مجالس العجمان الرسمي