يالله ياللي بيدك الفتح والصحكي=ياشافي ٍ جسم روح ٍ ثقل حراكه
تسمع دعا اللي على مسنادته متكي=قزاه قلب ٍ عليك إبكاه وإضحاكه
الهم والحزن وسط الصدر مشتبكي=ودرب الهوى سالفه والصعب تراكه
دخيل عينيك يالمحبوب لاتبكي=لاتلزم الصمت مجنون الهوى حاكه
ماكان ناوي دموعك يوم ماتحكي !=لاوالذي خالق الكون بأفلاكه
بس ان قصد المولع يوم هو يشكي=لطف ٍ بحال ٍ هواكم قرب ادراكه
حبك بوسط الضماير ماخذ صحكي=سيطر على الحال واستولى على املاكه
يوم ابتسمتي وشفت الثلج مصتكي=حكمت ياللي بشعب العشق فتاكه
ان الجمال بدول الاسملام والشركي= انتي الاميره ويخضع كل ملاكه
سايلك بالله من باقي الهجر ( تنكي )=ومجنونك اللي على خط الهوى حاكه

ملاحظه :: تنكي = تنتهي ( كلمه من العصر الحجري في ظني )

المشاركة الأصلية كتبت بواسطة سعود بن مهدي مرحبا ياعبدالله وصح الله لسانك عز الله ان القصيده جزله ومؤثره يالقرم واصل نفداك ولك كل الشكر

المشاركة الأصلية كتبت بواسطة سعود بن تركي ( العديم ) صح الله لسانك ملااايين ورائع بوحك ياعبدالله وأحسنت اخــوك الــعـــديـــم