مجالس العجمان الرسمي - ياما ذكرت الوقت .. ..والوقت نساي

خل العذر.. .. ياموجع الليل بالناي
ليلك عجب.. .. والسالفه سرمديه
اطول من الضيقات.. وابعد من ذكاي
واشد من صد الخوي .... عن خويه
ياما ذكرت الوقت .. ..والوقت نساي
وياما قتلت الروح .. ..والروح حيه
وانا بطبعي.. .. لا تثاقلت .. ..شكواي
على صدر غيري .. ..بقت.. ..داخليه
تكبر.. .. وتكبر مثلها ..ضحكة شفاي
ويردد اللي.. .. مادرى.. .. ياهنيه
وانت.. ان شقيت بغلطتك..هات هاجاي
اغلط بكيفك.. .. واترك العذر.. .. ليا
انا اللي اسف ..واعتذر عن ..سواياي
اسف .. ..على غلطتك ...واسف عليا
الذنب ذنبي.. .. والخطايا .. ..خطاياي
والا انت.. .. ماجا منك .. ذنب وخطيه
ذنبي وعذري في الهوا .. ..طيب مبداي
ضحيت لاجلك .. ..الين صرت الضحيه
تدري وش ابغى تقول لي قبل فرقاي ؟
تدري ..وش ابغى تقول عن طيب نيه ؟
ودي تقول .. او عاد تدري وش الراي؟
تسكت .. ..ما دام السالفه .. ..سرمديه

شعر/الدهام