طعني مادام الجروح اصغار واجدادي=لاينهدم بيت عزن مست اطنابه
طعني ترا مايسرك قول حسادي=من يسمع الناس في غاليه يغدابه
اصحى ترا مايفيدك رايك الغادي=باكر مع الوقت كلن يجرد حسابه
الامر لاتاخذه في طيش وعنادي=الظلم ما فيه راعي حق يرضابه
ان كان بالحق حقك بالخطى بادي=وان كان بالظلم حقي تجدع اتعابه
وان جيت في عزتي ورثن من اجدادي=وان جيت في حقي نفسي نفسي اولابه
وان رحت ناوي بالفراق اوعدك ببعادي=ابشر بمن يقطع الفرجه عن احبابه
عزمي قوي واشعل البارود بزنادي=والظلم والذل والحقران ما ارضابه
وان شفت ما عفت ما خليتك اسنادي=والحر رزقه على الله قبل مخلابه
ارجع لهالحين عندي الوضع عادي=ياصعب باكر رجوعك وانت ادرابه