ربعي بني مشني
بـنّ الـقـوافـي لـه قـصـيـدي مـعـامــــيل = فـي دلـة افـكـاري اتـبـهّـر ثــم اتزل مـن هـاجـس افـكـاري لـها صافي الهيل = والنار فـي صـدري ضروم ٍ تشعّـل يـالـلـه عـسـى بـجـو الهمل يدرج السيل = عـسى الـخزامى والنفل بأرضها حل وجـدي عـلـى لـحـن ٍ اجـره مـــــواويل = تـطـرب لـه الـوضــحى عليه اتهبّـل وجـدي عـلـى الـمـقـهـور واللي مباهيل = وجـدي علـيـها مـصـغر ٍ ما اتشمـّل وجـدي عـلـى مـعـنــّق شـلـيله سراويل = بـعـد الـعـشـا لا صـاد بالكف ينقـّل وجـدي عـلـى دار ٍ بـعـيـد ومـداهــــيل = يـمـة حـراويـهـا لا آجـنب ولا أشمل وجـدي عـلـى بـيـت ٍ تـمـثـنى الخماليل = فـيـه الـنـشـامـا لـلـنـشـامـــا تـســهّل يـازيـنـهـا ادلال ٍ اتـغـذي الـفـنـاجــــيل = كيف الرجال اللي على الدوم تــندل فـي مـجـلــس ٍ مـا فـيــه الا مشـاكـــيل = ربعي بني مشـنـي لها الصعب ينذل يــا ســايـق اثـقـال الـسحـاب الـهـماليل = خـلـهـا عـلـى ديـرة اربـوعي تهلهل ربـعـي سـيـوف ٍ بـالمـعـزة مـسـالـــيل = عـلـى حـمـاهـا و الـفـخـر دوم تـنسل ربـعـي تـسـوق الـكـايـدة لـلـتـسـاهــيل = والـلـي يـصـعـبـها على الفور يـعتل سـلايـل اسـلالـة فـحـــول ٍ حـلاحـــيل = الـلـــي تـعـدل عــاســر ٍ مــا تــعدل شـمـوخـنـا مـا طـالـتـه غـيـرة اسـهـيل = نـبـقــى مـــلاذ ٍ لـلـمـعـالـي ومدهل هـل الـفـعـل حـنـا ولـلـغـيـر اقـــــاويل = بـس الـمـثايــل مــن فـعـلنا اتمثــّـل في غربتي ما هـيـضـتـنـي الـمـنـاويل = ثــم هـاضـنـي شـي ٍ عـسـير يتبدل مـحـبـة اربـوعـي رصـيـد ومـكـايــيل = ابـدونـهـم مـالـي رصـيــد ٍ يـجـــمّل يـالـلـه عـسـاهـا خـيـرة ٍ فـ الـمـقــابـيل = الـلـوعـة الـلــي فـي ضمـيري تنزّل عـلـى جـفـاهـا يـا يـبــه مـا بـقـى حيل = وعـلـى بـلاهـا بـأمـغـرب مالها حل يا مضمري بشوط الشدايد على الشيل = دامــي اروم الــعــز لاشــلــهـــا شل هيـضتـني يــا بـــادع ٍ اجــزل الــقـيل = خـلـيـت مـابـي جـامــح ٍ مــا تـمــهل ثـلاثـة وعـشـريـن مـن دون تـمـهــيل = وصلى الله وسلم على اللي لنا ارسل |
رد: ربعي بني مشني
صلى الله على نبينا محمد واله وصحبه وسلم
الشاعر عبدالله ال مجحود صح لسانك على القصيدة الرائعة تقديري. |
رد: ربعي بني مشني
صح لسانك يابو بندر لا هنت ياخوك قصيده جزله
|
رد: ربعي بني مشني
عليه صلاه والسلام
يازينهـا ادلال ٍ اتغـذي الفناجـيـل كيف الرجال اللي على الدوم تنـدل كليماات رائعه ومااخرجت الا من شااعر جزل تسسلم لا عدمنا ابدااعاتكـ.. |
رد: ربعي بني مشني
اقتباس:
|
رد: ربعي بني مشني
اقتباس:
|
رد: ربعي بني مشني
اقتباس:
|
الوقت في المنتدى حسب توقيت جرينتش +3 الساعة الآن 04:39 PM . |
مجالس العجمان الرسمي